जे पोलीस दिवस रात्र आपले संरक्षण करतात त्यांना मारण्याचा हा प्रयत्न होता. परंतू, स्वसंरक्षणार्थ त्यांनी केलेल्या त्या झटापटीत आरोपीचा मृत्यू झाला. तर, त्याला एन्कॉऊंटर कसे म्हणतात. देवाने हा न्याय दिलेला आहे. परंतू, भविष्यामध्ये या प्रकारच्या घटना घडवून आणणाऱ्या क्रुर कर्म करणाऱ्यांसाठी हा इशारा आहे. महिलेकडे वाईट नजरेने सुद्धा पाहणाऱ्याच्या हिंमतीला लगाम या घटनेने घातलेला आहे, असेही ते यावेळी म्हणाले.

 

परंतू, या घटनेतील आरोपीला शिक्षा देण्यासाठी विरोधी पक्षांनी पूर्ण दिवस बदलापूर बंद केले. हातामध्ये लाडकी बहीण योजनेच्या विरोधातील बॅनर झळकावले, सत्ताधारी पक्षावर टीका केली. या आरोपीला तात्काळ फाशी द्या, असे म्हणत आंदोलन केले. लोकांची सहानुभूती घेण्याकरता संपूर्ण महाराष्ट्रात आंदोलन केले. पवारांसारखे नेते मुंबईमध्ये आंदोलन करत होते. त्या क्रुर कर्म्याच्या विरोधात आणि राज्य सरकारच्याविरोधात विरोधकांनी महाराष्ट्र बंदची हाक दिली. परंतू, आज त्याच आरोपीला नियतीने डाव साधत शिक्षा दिली. तर, तो विरोधकांना प्रिय झाला. येवढा पुळका विरोधकांना त्या आरोपीचा आला आहे.