वाकड : चिंचवड विधानसभा मतदारसंघातील भाजप आमदार लक्ष्मण जगताप यांची प्रकृती सध्या चिंताजनक आहे. त्यांच्यावर बाणेर येथील ज्युपिटर हॉस्पिटलमध्ये उपचार सुरू आहेत. ते लवकर बरे व्हावे यासाठी विविध धार्मिक स्थळावर प्रार्थना करत अनेक कार्यकर्ते, चाहते देवाकडे साकडे घालत आहेत. त्याच्या प्रकृतीची विचारपूस करण्यासाठी भाजपचे विरोधी पक्षनेते देवेंद्र फडणवीस भाजप प्रदेशाध्यक्ष चंद्रकांत पाटील विधान परिषदेतील विरोधी पक्षनेते प्रवीण दरेकर यांनी भेट घेतली.
https://maharashtramaza.online/?p=153823
राज्याचे उपमुख्यमंत्री अजितदादा पवार यांनी पिंपरी-चिंचवड शहरातील महापालिकेच्या विविध विकास कामांचे कार्यक्रम रद्द करून कोणताही कार्यकर्त्यांचा ताफा न घेता शनिवारी लक्ष्मण जगताप यांच्या प्रकृतीची चौकशी करण्यासाठी थेट रुग्णालय गाठले. त्याच दिवशी शनिवारी भाजपचे आमदार आशिष शेलार एका कार्यक्रमानिमित्त चिंचवड येथे आले होते. मात्र, त्यांनी लक्ष्मण जगताप यांची भेट घेतल्याने उलटसुलट बातम्या प्रसिद्ध माध्यमांमध्ये आल्या. त्यानंतर आज देवेंद्र फडणवीस, चंद्रकांत पाटील व प्रवीण दरेकर यांनी शहरातील भाजप कार्यकर्त्यांच्या ताफ्यात आज हॉस्पिटलमध्ये लक्ष्मण जगताप यांच्या प्रकृतीची विचारपूस केली.
https://maharashtramaza.online/?p=153933
पिंपळे गुरव येथील प्रतिभा महिला प्रतिष्ठाण व मुक्तांगण महिला प्रतिष्ठाण तर्फ ग्रामदैवत भैरवनाथ मंदिरात अभिषेक करून महामृत्युंजय मंत्राचा जप महिला भगिनीकडून करण्यात आला. यावेळी असंख्य महिला व कार्यकर्ते आणि चाहते मोठ्या संख्येने उपस्थित होते.
यामध्ये सौ. शुभांगीताई जगताप, सौ.माई ढोरे, सौ. उषाताई मुंढे, सौ. कावेरी सं जगताप, सौ. पल्लवी जगताप, सौ.सुषमा कदम, सौ.माधवी राजापुरे, सौ. वैशाली जवळकर, सौ. शोभा जांभुळकर, सौ. रविना आंगोळकर, सौ. उर्मिला देवकर. वैजंता काशिद यांना तसेच अनेक महिलांनी सहभाग घेतला होता.
