हातगाडी चालक असलेल्या वडीलांना डबा देण्यासाठी गेलेल्या 7 वर्षीय चिमुकलीचे अज्ञाताने पुणे स्टेशन परिसरातून अपहरणकरून लैंगिक शोषण केल्याची खळबळजनक घटना उघडकीस आली आहे.या घटनेने पुन्हा एकदा पुणे हदरले असून,महिला व मुलींच्या सुरक्षेचा प्रश्न पुन्हा ऐरणीवर आला आहे. अद्याप या आरोपीचा थांगपत्ता लागलेला नाही.
याप्रकरणी पुण्यातील बंडगार्डन पोलिस ठाण्यात निर्भयाच्या वडीलांनी तक्रार दिली आहे. त्यावरून अनोळखी व्यक्तीवर पोस्को व विनयभंगाचा गुन्हा दाखल करण्यात आला आहे. सोमवारी भरदुपारी ही घटना पुणे स्टेशन परिसरात घडली आहे. पोलिसांनी दिलेल्या माहितीवरून, निर्भयाचे वडिलांचा पुणे रेल्वस्टेशन परिसरात चहाचा स्टॅाल आहे. त्यांना जेवणाचा डब्बा देण्यासाठी निर्भया गेली होती. डबा देऊन ती परत निघाल्यानतर अज्ञाताने तिला उचलून नेत तिचे अपहरण केले. तसेच तिला फलाट क्रमांक 6 च्या भिंतीलगत कंस्ट्रक्शन ऑफिसच्या शेजारील रेल्वेच्या बंद असलेल्या आयओडब्लयू ऑफिसच्या नेऊन तिचे लेेंगिक शोषण करण्याचा प्रयत्न केला.
निर्भया ओरडू लागल्यानंतर आरोपीने तिला जीवे ठार मारण्याची धमकी दिली. दरम्यान, लघुशंका करण्याच्या बहाण्याने नराधमाच्या तावडीतून पळ काढला. तिने थेट घर गाठत आईला घडला प्रकार सांगितला. त्यानंतर आईने वडिलांना सर्व माहिती दिली. त्यानंतर त्यांनी पोलिस ठाण्यात धाव घेत घडलेला सर्व प्रकार पोलिसांना सांगितला. घटना समजताच वरिष्ठ पोलिस अधिकारी यांनी घटनास्थळी धाव घेतली. परिसरातील सीसीटीव्ही फुटेज तपासणीकरून आरोपीचा माग काढला जात आहे. परंतु अद्याप त्याचा थांगपत्ता लागलेला नाही.
दरम्यान, यापुर्वी देखील पुणे रेल्वे स्टेशन परिसरातून एका अल्पवयीन मुलीला नेऊन अत्याचार केल्याची घटना घडली होती, रिक्षाचालकाने तिला नेले होते. या घटनेने पुणे शहर हादरले असून महिला व मुलींच्या सुरक्षेचा प्रश्न पुन्हा ऐरणीवर आला आहे.याप्रकरणी अधिक तपास बंडगार्डन पोलिस करीत आहेत.
