पिंपळे सौदागर : स्वातंत्र्य दिनाच्या ७५ व्या अमृत महोत्सवानिमित्त अनेकांनी घरावर तिरंगा फडकवला आहे. देशभर “हर घर तिरंगा” अभियान अंतर्गत सर्वांनी देशाचा दागिना तिरंगा राष्ट्रध्वज प्रत्येकाने आपल्या घरावर, दुकान, संस्था अथवा कार्यालयासमोर फडकवला. स्वातंत्र्य दिनाच्या सायंकाळी सर्वांनी तिरंगा खाली उतरविला. त्यानंतर सर्व नागरिकांनी स्वतःचे दागदागिने जपून ठवतो तसाच देशाचा दागिना तिरंगा राष्ट्रध्वज प्रत्येकाने सन्मानाने जपून व अमूल्य ठिकाणी ठेवावा असे आवाहन माजी विरोधी पक्षनेते, नगरसेवक नाना काटे यांनी केले आहे.
देशाच्या अमृत महोत्सवानिमित्त सर्वत्र प्रत्येक घरी यंदा तिरंगा फडकवण्यात आला. मात्र स्वातंत्र्य दिवस संपल्यानंतर हा तिरंगा तुम्ही जरा का इकडे तिकडे टाकला किंवा त्याची योग्य विल्हेवाट लावली नाही तर सरकारकडून तुम्हाला शिक्षा होऊ शकते. राष्ट्रध्वज खाली पडला किंवा त्यांचा संपर्क जमिनीशी किंवा पाण्याशी आला की तिरंग्याचा अपमान होतो अशावेळी झेंड्याचा अपमान होऊ नये याची काळजी घेणे फार महत्वाचे ठरते.
अनेकजण राजकीय झेंडे दुसऱ्या दिवशी फेकून देतात किंवा इकडे तिकडे पडून जाताना दिसतात. मात्र राष्ट्रीय ध्वजाचा अपमान होवू नये, तिरंग्याचा वापर केल्यानंतर त्याला योग्य प्रकारे एकांतात ठेवणे महत्वाचे असते. फ्लॅग कोडनुसार तिरंग्याचा संपर्क जमिनीशी किंवा पाण्याशी येता कामा नये. जर तिरंगा राष्ट्रध्वज याचा अपमान केला तर त्याला नियमात निश्चितच शिक्षेची तरतूद आहे. त्या व्यक्तिस शिक्षा आणि दंड दोन्ही होऊ शकतात. त्यामुळे नागरिकांनी स्वतचं दागदागिने जपून वापरता अथवा जतन करून ठेवले जातात तसे दागिना तिरंगा राष्ट्रध्वज प्रत्येकाने सन्मानाने जपून ठेवावा असे आवाहन नाना काटे यांनी निवेदनाद्वारे नागरिकांना केले आहे.
