काळेवाडी, १ सप्टेंबर: काळेवाडी येथील मा.नगरसेवक विनोद जयवंत नढे यांच्या मातोश्री रंजना जयवंत नढे यांचे आज १ सप्टेंबर रोजी पहाटे दुःखद निधन झाले. त्या ५६ वर्षाच्या होत्या. काळेवाडी येथील स्मशानभूमीत सकाळी ११ वाजेच्या सुमारास अंत्यविधी अंत्यविधी करण्यात येणार आहे. त्यांच्या पश्चात पती, दोन मुले आणि दोन मुली, नातवंडे असा परिवार आहे.
रंजना नढे या गेली काही दिवसांपासून आजारी होत्या. त्यांच्यावर उपचार सुरु होते. परंतु आज पहाटे त्यांनी शेवटचा श्वास घेत जगाचा निरोप घेतला. त्यांच्या जाण्याने नढे कुटुंब व काळेवाडी परिसरात शोककळा पसरली आहे.
अत्यंत हलाकीच्या परिस्थितीतून त्यांनी संसार उभा करत आदर्श कुटुंब बनविले होते. राजकारण, समाजकारण, संप्रदाय दोन्ही मुलांना योग्य ते संस्कार दिले. त्यांच्या अशा अचानक जाण्याने आणि व्यावसायिक क्षेत्रात त्यांनी त्यांच्या कुटुंबियांवर मोठा दुःखाचा डोंगर कोसळला आहे.
