पिंपरी (वार्ताहर) : ठाणे येथील झुंजार केसरी संस्थांच्या माध्यमातून देण्यात येणारा यंदाचा मानाचा पंडित दीनदयाल उपाध्यय समाजभूषण पुरस्कार पिंपरी चिंचवड शहरातील एक अष्टपैलू व्यक्तिमत्त्व कोमल काळभोर शिंदे यांचे सामाजिक, राजकीय, उद्योग आणि क्रिडा क्षेत्रात करीत असलेल्या उल्लेखनीय कार्याबद्दल जाहीर झाला आहे असे झुंजार केसरी या संस्थेचे मुनिर खान यांनी सांगितले आहे. झुंजार संस्थेच्या वर्धापन दिनानिमित्त रविवार दि. १३ नोव्हेंबर रोजी ठाणे येथे मान्यवरांच्या उपस्थितीत प्रदान केला जाणार आहे गौरवपत्र, स्मृतीचिन्ह,शाल,श्री
झुंजार केसरी संस्थेचे मुनीर खान यांच्या अध्यक्षतेखाली निवड समितीने कोमल काळभोर शिंदे यांची पंडित दीनदयाल उपाध्याय समाजभूषण पुरस्कारासाठी निवड केली आहे झुंजार केसरी संस्थेतर्फे सहकार, शिक्षण, प्रशासन, सामाजिक, राजकीय, लोककला, क्रीडा, पत्रकार, कृषी, आरोग्य आणि धार्मिक क्षेत्रातील उल्लेखनीय कामगिरी करून सामाजिक लौकिकात भर घालणाऱ्या अनमोल रत्नांना विविध पुरस्काराने सन्मानित केले जात आहे, यावेळी सामाजिक, राजकीय,उद्योग आणि क्रीडा आशा क्षेत्रात महत्त्वपूर्ण क्षेत्रात योगदान देणाऱ्या पिंपरी चिंचवड शहरातील एक अष्टपैलू व्यक्तिमत्व कोमल काळभोर-शिंदे यांची या पुरस्कारासाठी निवड करण्यात आल्याचे पत्राद्वारे कळविण्यात आले आहे.
कोमल काळभोर-शिंदे यांना यापूर्वी अनेक मानाचे पुरस्कार प्रदान झालेले आहे, त्या श्रीक्षेत्र आळंदी देवाची येथील सामाजिक कार्यकर्ते एकनाथ शिंदे यांच्या कन्या असून पिंपरी चिंचवड शहरात निगडी प्राधिकरण येथे त्या स्थायिक झालेल्या आहे, उद्योग क्षेत्रात त्यांनी उल्लेखनीय कार्य केलेला आहे, तसेच उद्योग क्षेत्राबरोबर त्यांनी राजकीय क्षेत्रातही आपल्या कार्याचा ठसा उमटवलेला आहे, भारतीय जनता पक्षाच्या माध्यमातून त्या महिला मोर्चा मध्ये प्रदेशाध्यक्ष आमदार उमाताई खापरे यांच्या नेतृत्वाखाली कार्य करत आहे, तसेच लहानपणापासून त्या किक बॉक्सिंग आणि कराटे या क्रीडा क्षेत्रात नेत्रदीपक कामगिरी करून आपलं नावलौकीक केले आहे. त्यांना अनेक पदके प्राप्त झालेले आहे, अगामी नेपाळ येथे होणाऱ्या जागतिक मिक्स बाॅक्सिंग चॅम्पियन स्पर्धेत मुलींच्या भारतीय संघ व्यवस्थापक म्हणून नियुक्ती झाली आहे.
याच कार्याची दखल घेऊन त्यांना झुंजार केसरी या संस्थेच्या वतीने पंडित दीनदयाल उपाध्याय समाजभूषण पुरस्काराने गौरवण्यात येणार आहे, त्यांना हा पुरस्कार जाहीर झाल्याबद्दल भारतीय जनता पक्षाच्या महिला मोर्चा प्रदेशाध्यक्षा आ. उमाताई खापरे, आ.लक्ष्मण जगताप, आ.महेश लांडगे यांनी त्यांचे अभिनंदन केले आहे तसेच विविध स्तरातून त्यांच्यावर अभिनंदन यांचा वर्षाव होत आहे.
