पिंपरी – चिंचवड विधानसभा मतदारसंघाचे आमदार लक्ष्मण जगताप यांच्या निधनाने जनतेच्या प्रश्नासाठी तळमळीनं काम करणारा झुंजार लोकप्रतिनिधी, जवळचा सहकारी आज गमावला आहे. राजकीय, सामाजिक जीवनात त्यांनी केलेलं काम कायम स्मरणात राहील. पिंपरी -चिंचवड शहराच्या विकासात त्यांचं मोलाचं योगदान होते, अशा शब्दात राज्याच्या विधानसभेचे विरोधी पक्षनेते अजित पवार यांनी आमदार जगताप यांना श्रद्धांजली अर्पण केली.
शोकसंदेशात विरोधी पक्षनेते पवार पुढे म्हणतात, आमदार जगताप यांच्या निधनाने सर्वसामान्य जनतेचे प्रश्न विधिमंडळात मांडणारा धडाडीचा लोकप्रतिनिधी आपण गमावला आहे. सर्वसामान्यांच्या प्रश्नासाठी तडफेने काम करणाऱ्या लोकप्रतिनिधीची, सहकाऱ्याची उणीव कायमच जाणवेल. राजकीय, सामाजिक क्षेत्रात त्यांनी केलेलं काम पिंपरी-चिंचवड परिसरातील जनता कधीही विसरु शकणार नाही. अशा शब्दात अजित पवार यांनी आपली श्रद्धांजली अर्पण केली.
