पिंपरी, १४ एप्रिल :- पिंपरी येथील भीमसृष्टीचा सजलेला परिसर, जयभीमचा जयघोष, थोर महामानवास अभिवादन करण्यासाठी जमलेला अथांग जनसागर आणि पुतळ्यावर हेलिकॅप्टरमधून होत असलेली पुष्पवृष्टी अशा अनोख्या संगमाने आज सकाळी भारतरत्न डॉ.बाबासाहेब आंबेडकर यांच्या जयंतीची मोठ्या उत्साहात आणि आनंदी वातावरणात साजरी झाली.
क्रांतिसूर्य महात्मा जोतीराव फुले आणि भारतरत्न डॉ. बाबासाहेब आंबेडकर यांच्या जयंतीनिमित्त पिंपरी येथील भारतरत्न डॉ. बाबासाहेब आंबेडकर पुतळ्याशेजारील मैदानात महानगरपालिकेच्या वतीने दि. ११ ते १५ एप्रिल २०२३ दरम्यान पाच दिवसीय विचार प्रबोधन पर्वाचे आयोजन करण्यात आले आहे. या प्रबोधन पर्वाच्या तिसऱ्या दिवशी भीमगीतांचा कार्यक्रम ख्यातनाम गायक आनंद शिंदे यांनी सादर केेला.
पिंपरी चिंचवड महानगरपालिकेच्या वतीने भारतीय घटनेचे शिल्पकार, भारतरत्न डॉ.बाबासाहेब आंबेडकर यांच्या जयंतीनिमित्त महानगरपालिकेच्या मुख्य प्रशासकीय इमारतीमधील तसेच पिंपरी चौक आणि एच.ए.कॉलनी येथील त्यांच्या पुतळ्यास आयुक्त तथा प्रशासन शेखर सिंह यांच्या हस्ते पुष्पहार अर्पण करून अभिवादन करण्यात आले.
यावेळी अतिरिक्त आयुक्त जितेंद्र वाघ, उल्हास जगताप, मुख्य संयोजक तथा आरोग्य वैद्यकीय अधिकारी डॉ.पवन साळवे, उप आयुक्त रविकिरण घोडके, मनोज लोणकर, माजी नगरसदस्य ॲड.सचिन भोसले, अनंत को-हाळे, मारुती भापकर, सदगुरू कदम, विशेष अधिकारी किरण गायकवाड, क्षेत्रीय अधिकारी आण्णा बोदडे, विजयकुमार थोरात, कार्यकारी अभियंता रविंद्र पवार, उप अभियंता ल्क्ष्मीकांत कोल्हे, चंद्रकांत कुंभार, एच.ए.कंपनी येथील रमेश जाधव, सुरेंद्र पासलकर, मारूती बोरावके, मिलींद जाधव, सुनिल रिकामे, विविध सामाजिक संघटनांचे पदाधिकारी, कार्यकर्ते नागरीक आदी उपस्थित होते. कार्यक्रमाचे सूत्रसंचालन प्रफुल्ल पुराणिक यांनी केले
