पिंपरी चिंचवड, ८ जानेवारी २०२५: पिंपरी चिंचवड महानगरपालिकेच्या अतिक्रमण विभागाने वाकड येथील दत्त मंदिर रोडवर अतिक्रमणाविरोधात मोठी कारवाई केली. या कारवाईपूर्वी संबंधित अतिक्रमणधारकांना नोटीस देण्यात आली होती, तसेच लाऊड स्पीकरद्वारे कारवाईची माहिती त्यांना दिली गेली होती.
https://www.instagram.com/share/reel/BBGh-QRz8p
अतिक्रमण विभागाच्या कर्मचाऱ्यांनी आज सकाळी पासून पोलीस बंदोबस्तात दत्त मंदिर रोडवर कारवाई करत अनेक बांधकामे जमीनदोस्त केली. यामध्ये रस्त्यावर अनधिकृतपणे बांधलेली दुकाने, झोपडपट्टी आणि इतर अतिक्रमणांचा समावेश होता. संबंधित अतिक्रमणधारकांना पूर्वसूचना देण्यात आली होती आणि यानंतर प्रशासनाने अतिक्रमण काढण्यासाठी कठोर पाऊले उचलली.
महानगरपालिकेने या कारवाईचे महत्त्व स्पष्ट करत सांगितले की, शहरातील रस्त्यांची वाहतूक सुरळीत ठेवण्यासाठी आणि सार्वजनिक सुरक्षिततेसाठी अतिक्रमण हटवण्याची ही प्रक्रिया सुरू ठेवली जाईल. तसेच, संबंधित नागरिकांना कायदेशीर मार्गाने अतिक्रमण हटवण्यास सांगण्यात आले असून, यापुढे अशा कारवाईसाठी प्रशासन अधिक कडक राहील. हे लक्षात घेतल्यास, ही कारवाई पिंपरी चिंचवड शहराच्या सुस्थितीला मदत करेल अशी आशा आहे.
