पुणे : पुण्यात दोन दिवसापूर्वी दुचाकीवरुन जाताना मोबाईलवर बोलणाऱ्यास वाहतूक पोलिसांनी अडविल्यावर पोलिसांच्या डोक्यात दगड मारणाऱ्या वाहन चालकाला पोलिसांनी पकडून त्याची फुरसुंगी परिसरात धिंड काढली. भेकराईनगर येथे सासवड रस्त्यावर गुरुवारी सायंकाळी ही घटना घडली होती. या घटनेत पोलीस हवालदार राजेश गणपत नाईक (वय ४७) हे गंभीर जखमी झाले होते.
मुख्यमंत्री देवेंद्र फडणवीस यांनी पिंपरी येथील कार्यक्रमात पुण्यामध्ये क्राईम रेशो वाढतो आहे. आरोपींनी पोलिसांनी धिंड काढून गुन्हेगारांमध्ये दहशत निर्माण करण्याची गरज असल्याचे सांगितले होते.
वाहतूक पोलिसांला मारहाण करुन जखमी करणाऱ्या बबलु मासाळ (वय २५, मुळ रा. धाराशिव) याला धाराशिव येथून अटक करुन त्याची भेकराईनगर परिसरात धिंड काढून पोलिसांनी मुख्यमंत्री यांचा शब्द पाळला.
भेकराईनगर परिसरात या आरोपीची धिंड काढून पोलिसांवर हात उचलल्यावर काय होते, हे फुरसुंगी पोलिसांनी दाखवून दिले. बबलु मासाळ हा चालक म्हणून काम करतो. तो पुण्यात आईसमवेत रहातो. ही घटना घडल्यानंतर त्याचे व्हिडिओ व्हायरल झाल्यावर तो आपल्या मुळ धाराशिव गावी पळून गेला होता.
