‘लहान बाळात आम्ही वैष्णवी शोधतोय’, कस्पटे कुटुंब

टीव्ही ९ वृत्तवाहिनीशी संवाद साधताना वैष्णवीच्या पालकांनी आपल्या भावनांना वाट मोकळी करून दिली. वैष्णवीच्या मृत्यूचे दुःख पचवून त्यांची आई आता बाळाची काळजी घेत आहे. वृत्तवाहिनीशी बोलताना स्वाती कस्पटे म्हणाल्या, रोज सकाळी उठून बाळाला पेच बनवणे, त्याला खाऊ घालणे, आंघोळ घालणे असा दिनक्रम सुरू झाला आहे. जेव्हा बाळ आमच्याकडे सुपूर्द करण्यात आले, तेव्हा त्याची तब्येत खालावली होती. आम्ही चेकअप केले तेव्हा त्याचे वजन खूप कमी झाल्याचे कळले.

“बाळाचा ताबा मिळाल्यानंतर पोलिसांच्या देखरेखीखाली त्याचे चेकअप करण्यात आले होते. मागच्या काही दिवसांत त्याची उत्तम काळजी घेतल्यामुळे प्रकृतीमध्ये सुधारणा दिसत आहे. माझी वैष्णवी म्हणून आम्ही आता बाळाचा सांभाळ करणार आहोत”, असे वैष्णवीच्या आई-वडिलांनी सांगितले.