पिंपरी – पिंपरी-चिंचवड महापालिकेच्या क क्षेत्रीय कार्यालयाच्या अतिक्रमण पथकाच्या वतीने नेहरूनगर येथील मोकळ्या जागेवरील दहा हजार व भोसरी एम आय डी सी परिसरातील सुमारे चार हजार असे सुमारे चौदा हजार चौरस फूट क्षेत्रावरील अनधिकृत पत्राशेड हटविण्याची कारवाई आज करण्यात आली.
आयुक्त राजेश पाटील व अतिरिक्त आयुक्त जितेंद्र वाघ यांच्या निर्देशानुसार सहाय्यक आयुक्त अण्णा बोदडे यांच्या नेतृत्वाखाली ही मोहीम राबविण्यात आली. रस्ते व फूटपाथ तसेच मोकळ्या भूखंडावर असणारी अनधिकृत पत्राशेड हटविण्याची कारवाई महापालिकेच्या वतीने करण्यात येत असून नागरिकांनी सहकार्य करावे असे आवाहन करण्यात येत आहे.
नेहरूनगर येथे कचरा संकलन जवळच्या मोकळ्या भूखंडावर सुमारे दहा हजार चौरस फूट क्षेत्रावर अनधिकृत शेड उभारण्यात आले होते. तसेच भोसरी एम आय डी सी परिसरातील बालभवन समोरील कचरा संकलन जवळ चार हजार चौरस फूट क्षेत्रावर अनधिकृत शेड पाडण्यात आले.
