पिंपरी : पिंपरी चिंचवड महापालिकेच्या विविध विकास कामांची भुमिपूजने, उद्घाटने शनिवारी (दि. १६) उपमुख्यमंत्री अजित पवार यांच्या हस्ते होणार होते. मात्र काही अपरिहार्य कारणामुळे हा दौरा रद्द करण्यात आला असल्याची माहिती शहराध्यक्ष अजित गव्हाणे यांनी दिली आहे. महापालिका प्रशासकिय राजवटीत अजित पवार यांचा दौरा राष्ट्रवादी काँग्रेससाठी खूप महत्वाचा समजला जात होता.
शनिवारी सकाळी सात वाजता पिंपरी चिंचवड महापालिका मुख्यालयात उपमुख्यमंत्री पवार येणार होते. त्यांच्या हस्ते उद्योग सुविधा कक्षाचे आणि पिंपरी चिंचवड पोलिसांना बंदोबस्तासाठी ५० स्मार्ट बाईक हस्तांतरीत करण्याचा कार्यक्रम होणार होता. तसेच महापालिकेच्या धडक कारवाई पथकाला आवश्यक वाहनांचे लोकार्पण त्यांच्या हस्ते करण्यात येणार होते त्याची महापालिका प्रशासनाकडून मोठी तयारी करण्यात आली होती.
त्याचबरोबर कासारवाडी येथील क्रीडा संकुल, मैदानाचे उद्घाटन, भोसरी येथील सखुबाई गबाजी गवळी उद्यानातील बहुमजली वाहनतळाचे भुमिपूजन. तळवडे येथील जॉगिंग सेंटर व नव्याने विकसीत केलेल्या उद्यानाचे उद्घाटन, तळवडे चौक सुशोभिकरण तसेच महिला व विद्यार्थांकरिता सुरु होणाऱ्या एमएससीआयटी केंद्राचे उद्घाटन, पिंपरी चिंचवड शहरातील सीसीटीव्ही यंत्रणेचे भुमिपूजन पिंपळे गुरव येथील लिंबोणी पार्क चौकात, पिंपळे सौदागर रोड येथे स्वर्गीय बाळासाहेब बाजीराव कुंजीर क्रीडांगणाचे उद्घाटन, वाकड येथील कै. तानाजी तुकाराम कलाटे उद्यानाचे उद्घाटन कार्यक्रम होता.होणार
