टीडीएफचे राज्य कार्याध्यक्ष जी.के. थोरात यांचे चिरंजीव
पुणे,दि.30 एप्रिल : नुकताच महाराष्ट्र लोकसेवा आयोगातर्फे घेतलेल्या परीक्षेचा निकाल जाहीर झाला असून. यामध्ये हडपसर मधील अनिकेत थोरात याने राज्य गुणवत्ता यादीत 69 व क्रमांक मिळवीत घवघवीत यश संपादन करून नायब तहसीलदार पदाला गवसणी घातली आहे
अनिकेत हा टीडीएफ चे राज्य कार्याध्यक्ष, शिक्षक नेते जी.के. थोरात यांचा चिरंजीव असून लहानपणापासूनच त्याला प्रशासकीय सेवेची आवड होती. त्याने सीईओपी, मधून बी टेक चा अभ्यासक्रम पूर्ण केलेला असून कायमच गुणवत्ता यादीत आलेला आहे. अतिशय हुशार आणि चाणाक्ष बुद्धिमत्ता अशी त्यांची ओळख होती त्याने आपल्या यशातून हे सिद्ध केले आहे. आपल्या यशामध्ये आई-वडिलांच्या मार्गदर्शनाचा मोठा वाटा असून अभ्यासामध्ये सातत्य चिकाटी असेल तर हमखास आपल्याला यश मिळते असे यावेळी त्यांने स्पष्ट केले. या यशावर समाधान न मानता भविष्यामध्ये आयएएस होण्याचा मानस त्यांनी बोलून दाखवला. अनिकेतचे वडील ज्ञानदानाच्या पवित्र क्षेत्रामध्ये कार्यरत आहेत, आपल्या मुलाने मिळवलेल्या यशाचा नक्कीच त्यांना अभिमान आहे. आपल्या मुलाच्या यशाबद्दल त्याचे पेढा भरवून त्यांनी कौतुक केले यावेळी त्यांच्या चेहऱ्यावर त्यांचा अभिमान ओसंडून वाहत होता.
अनिकेतच्या यशाबद्दल पुणे शहर शिक्षक लोकशाही आघाडी व पुणे शहर माध्यमिक शिक्षक संघाच्या वतीने प्राचार्य शिवाजीराव कामथे सरांच्या हस्ते शाल, पुष्पगुच्छ व पेढा भरवून अभिनंदन केले व पुढील भावी कार्यासाठी शुभेच्छा देण्यात आल्या. यावेळी माध्यमिक शिक्षक संघाचे अध्यक्ष सचिव दुर्गाडे, पुणे शहर सचिव संतोष थोरात,उपाध्यक्ष सुनील गिरमे,अंशतः अनुदान/ विना अनुदानित सेलचे अध्यक्ष अशोक धालगडे, सोशल मीडिया प्रमुख संतराम इंदूरे, अशोक देवकाते, कनिष्ठ महाविद्यालय संघटनेचे सुनील राजे निंबाळकर उपस्थित होते.
