पिंपरी, २७ जून – पिंपरी-चिंचवड महापालिकेच्या वतीने थेरगावातील डांगे चौकात फ्लॉवर ऑफ पँराडाइज शिल्प बसविण्यात आले होते. त्यामुळे पुलावरील श्री छत्रपती शिवाजी महाराज यांचे नाव झाकले जात असल्याचे तक्रार महापालिका प्रशासनाला दोन दिवसात हे शिल्प काढावे. अन्यथा मी स्वत: ते शिल्प काढून टाकेल, असा इशारा शिवसेना खासदार श्रीरंग बारणे यांनी दिला ते आज हाटवल्याचे दिसत आहे.
डांगे चौकात पुलाला महाराष्ट्राचे आराध्य दैवत श्री छत्रपती शिवाजी महाराज यांचे नाव देण्यात आले. डांगे चौकात महाराजांचा मोठा पुतळा आहे. महाराजांकडे पाहिले की नागरिकांना वेगळी उर्जा मिळते. स्मार्ट सिटीच्या नावाखाली महापालिका प्रशासन काही पण उद्योग करत आहे. कुठेही काहीही बसविले जात आहे. डांगे चौकात फ्लॉवर ऑफ पँराडाइज शिल्पा बसविण्यात येत आहे. त्यामुळे पुलावरील श्री छत्रपती शिवाजी महाराज यांचे नाव झाकले जात आहे. महाराजांच्या नावाचे, परिसराचे विद्रुपीकरण होत आहे. त्यामुळे हे शिल्प येत्या दोन दिवसात हटविण्यात यावे. अन्यथा मी स्वत: हे शिल्प काढून टाकेल असा इशारा खासदार बारणे यांनी दिला होता.
