वडगाव मावळ :- वडगाव नगरपंचायतीच्या स्वीकृत नगरसेवकपदी राष्ट्रवादी काँग्रेसचे गणेश सोपानराव म्हाळसकर यांची बिनविरोध निवड झाली आहे. नगराध्यक्ष मयुर ढोरे यांच्या अध्यक्षतेखाली व उपनगराध्यक्ष पुनम जाधव, गटनेते राजेंद्र कुडे, प्रमिला बाफना, दिनेश ढोरे यांच्या उपस्थितीत मंगळवारी(दि.२८) झालेल्या विशेष सभेत नगराध्यक्ष ढोरे यांनी म्हाळसकर यांची स्वीकृत नगरसेवकपदी निवड झाल्याचे घोषित केले.
राष्ट्रवादीचे स्वीकृत नगरसेवक सुनील ढोरे यांनी पदाचा राजीनामा दिला होता. त्यामुळे रिक्त झालेल्या स्वीकृत सदस्य पदासाठी म्हाळसकर यांनी अर्ज दाखल केला होता. सभेस नगरसेवक राहुल ढोरे, चंद्रजीत वाघमारे, प्रवीण चव्हाण, किरण म्हाळसकर, दिलीप म्हाळसकर, भूषण मूथा, शारदा ढोरे, पुजा वहिले, माया चव्हाण, सायली म्हाळसकर उपस्थित होते.
