आकुर्डी (प्रतिनिधी) पिंपरी चिंचवड शहरातील एकमेव मावळ लोकसभेचे शिवसेना खासदार श्रीरंग बारणे हे मुख्यमंत्री शिंदे यांच्या गटात गेले तरी पिंपरी चिंचवड शिवसेनेला काहीही फरक पडत नाही उलट उद्धव ठाकरे साहेबांची शिवसेना आणखी मजबूत होणार असल्याचा दावा पिंपरी चिंचवड शिवसेनेचे शहर प्रमुख सचिन भोसले यांच्या पाठोपाठ आकुर्डी येथील मा. नगरसेवक प्रमोद कुटे यांनी केला आहे.
दोन दिवसांपूर्वी मावळचे खासदार श्रीरंग (आप्पा) बारणे दिल्लीमध्ये मुख्यमंत्री एकनाथ शिंदे यांच्या गटात सामील झाले. त्यानंतर पिंपरी चिंचवड शहरातील शिवसेना फुटली शहरातील एकमेव खासदार असणारे श्रीरंग बारणे शिवसेनेला सोडून शिंदे गटात सामील झाले अशा उलटसुलट चर्चा सुरू झाली. आता महापालिकेत ९ नगरसेवक असणाऱ्या शिवसेनेचे किती नगरसेवक बारणे यांच्या सोबत शिंदे गटात सामील होणार याची चर्चा सुरू झाली.
यावरती शहर प्रमुख व शिवसेनेचे माजी नगरसेवक सचिन भोसले यांनी श्रीरंग बारणे हे एकनाथ शिंदे गटात गेले हा त्यांचा हा वैयक्तिक निर्णय असून पिंपरी चिंचवड शहरातील व शिवसैनिक उद्धव ठाकरे यांच्याशी एकनिष्ठ असून कोणीही शिवसैनिक त्यांच्याबरोबर गेलेले नाही असे म्हटले होते. आता आकुर्डी दत्तवाडी येथील शिवसेनेचे दोन वेळा नगरसेवक म्हणून निवडून आलेले प्रमोद कुटे यांनीही खासदार असल्यामुळे यांच्या प्रवेशावर टीका केली आहे खासदार पारनेर यांच्यामुळे पिंपरी चिंचवड शहरातील शिवसेनेला काही फरक पडणार नाही असे म्हटले आहे.
श्रीरंग बारणे यांच्या जाण्याने शिवसेनेला पिंपरी चिंचवड शिवसेना पक्ष संघटनेत काहीही फरक पडणार नाही. आता पिंपरी चिंचवड शिवसेना संघटना अधिक मजबूत होणार आहे. उलट खासदार श्रीरंग बारणे यांना शिवसेनेने दोन वेळा उमेदवारी दिली आहे. त्यांना शिवसेनेमुळेच मावळ लोकसभेचे दोन वेळा खासदारकीची संधी मिळाली याचे बारणे यांनी आत्मपरीक्षण करावे असा मत शहरप्रमुख सचिन भोसले केले आहे.
