पिंपरी : केंद्रीय रस्ते वाहतूक महामार्ग मंत्री भारत सरकार नितीनजी गडकरी यांनी चिंचवडचे आमदार लक्ष्मण जगताप यांची निवासस्थानी सदिच्छा भेटनितीनजी गडकरी यांनी चिंचवडचे आमदार लक्ष्मण जगताप यांची निवासस्थानी सदिच्छा भेट घेतली. यावेळी माजी नगरसेवक शकर जगताप यांच्यासह भाजपा पदाधिकाऱ्यांनी पुष्पगुच्छ आणि देवीची प्रतिमा देऊन त्यांचा सत्कार केला.
यावेळी मा.महापौर माई ढोरे, नामदेव ढाके, सदाशिव खाडे, विलास मडीगेरी, शेखर चिंचवडे, उषाताई मुंढे, निर्मलाताई कुटे, माधवीताई राजापुरे, सुरेश भोईर, सामाजिक कार्यकर्ते हरिभाऊ चिंचवडे, राज तापकीर व इतर भाजपा पदाधिकारी आणि कार्यकर्ते उपस्थित होते.
गडकरी यांनी लक्ष्मण जगताप यांचे भेट देऊन तब्येतीची विचारपूस केली. पिंपरी चिंचवड शहर आणि पुणे जिल्ह्यातील रस्त्यांची पाहणी केली. राष्ट्रीय महामार्ग ४८ वरील पुणे व पिंपरी चिंचवड मनपा हद्दीतील चांदणी चौक ते रावेत, किवळे या भागातील वाहतूक कोंडीची समस्या सोडविण्याबाबत अधिकाऱ्यांशी त्यांनी चर्चा केली. तसेच वडगाव उड्डाणपूल, मुठा नदीवरील पूल, वाकड जंक्शन, भूमकर चौक, रावेत चौक या भागातील वाहतूक समस्या सोडविण्यासाठी महामार्गाची दुरुस्ती करण्याचे निर्देश संबंधित अधिकाऱ्यांना दिले.
