पिंपरी (प्रतिनिधी) पिंपरी-चिंचवड पोलीस आयुक्तालयामार्फत ज्येष्ठांकरीता आनंदी जीवन मार्गदर्शन मेळावा आयोजित करण्यात आला आहे. प्राधिकरण मधील सेक्टर २७ अ येथील कृष्णा सहकारी गृह रचना संस्था हॉलमध्ये शनिवारी (दि. १७ डिसेंबर) सकाळी दहा ते साडेअकरा या वेळेत हा मेळावा होणार आहे. जास्तीत जास्त ज्येष्ठ नागरिकांनी मेळाव्याला उपस्थित रहावे, असे आवाहन करण्यात येणार आहे.
ज्येष्ठ नागरिकांसाठी वरिष्ठ पोलीस निरीक्षक आनंदी मार्गदर्शन मेळावा घेणार आहेत. या मार्गदर्शन मेळाव्यामध्येज्येष्ठांना भेडसावणाऱ्या विविध समस्यांचे निराकरण तसेच मार्गदर्शन केले जाणार आहे. ज्येष्ठ नागरिक प्रश्नोत्तराच्या कालावधीत त्यांना भेडसावणाऱ्या प्रश्न विचारु शकतात.
ज्येष्ठ नागरिकांच्या प्रश्नांबाबत पोलीस अधिकाऱ्यांशी चर्चा करून शंकांचे निरसन केले जाणार आहे. यावेळी पोलीस अधिकारी, कृष्णा सहकारी संस्थाचे अध्यक्ष बाबुराव फडतरे, सचिव अनिल चव्हाण, इतर सदस्य व नागरिक उपस्थित राहणार आहेत. ज्येष्ठ नागरिकांच्या विविध समस्या निराकरणासाठी तसेच आनंददायी, सुरक्षित आणि निश्चिंत आयुष्य जगण्यासाठी जास्तीत जास्त ज्येष्ठ नागरिकांनी उपस्थित राहून आनंदी मार्गदर्शन मेळाव्याचा लाभ घ्यावा, असे आवाहन कृष्णा सहकारी संस्थेमार्फत करण्यात आले आहे.
