पिंपरी, दि. १७ डिसेंबर :- पुणे जिल्ह्याचे पालकमंत्री चंद्रकांत पाटील यांनी आज पुन्हा पिंपरी चिंचवड दौऱ्यावरती आले होते. मागील तीन दिवसापूर्वी चिंचवड येथील कार्यक्रमात आले असता त्यांच्यावर तोंडावर शाई फेकल्यानंतर राज्यभर राजकारण तापले होते. त्यानंतर त्यांनी आज पिंपरी चिंचवड शहरात पवनाथाडी यात्रेस भेट देण्यासाठी आले असताना चेहऱ्यावरती काचेचे आवरण घातल्याने उपस्थित नागरिकांमध्ये कुतूहल निर्माण झाले होते.
पालकमंत्री चंद्रकांत पाटील यांना वाय झेड सुरक्षा असतानाही मागील आठवड्यात त्यांच्यावरती शाई फेक केली होती. आज पिंपरी चिंचवड शहरात आल्यानंतर त्यांना सुरक्षारक्षकांनी वेढा दिला होता. तर दुसरीकडे मुंबई येथे महाविकास आघाडीच्या घटक पक्षांचा महामोर्चा असल्याने सर्व पदाधिकारी मुंबईला गेले होते त्यामुळे शहरात राजकीय वातावरण शांत होते. यावेळी चंद्रकांत पाटील यांनी खबरदारीचा उपाय म्हणून चेहऱ्यावरती काचेचे आवरण घालून पवनाथडी यात्रेतील स्टॉलला भेटी दिल्या. पिंपरी चिंचवड महानगरपालिकेच्या वतीने सांगवी येथील सार्वजनिक बांधकाम विभागाच्या मैदानावर आयोजित पवनाथडी यात्रेला राज्याचे उच्च व तंत्रशिक्षण मंत्री तथा पुणे जिल्ह्याचे पालकमंत्री चंद्रकांतदादा पाटील यांनी भेट दिली
महिला स्वावलंबी होत नाहीत तोपर्यंत समाजाच्या प्रगतीला मर्यादा आहेत. महिला बचत गटांना प्रशिक्षण आणि बाजारपेठ उपलब्ध करून दिल्यास ते अधिक सक्षमपणे काम करतील. बचत गटांनी नागरिकांची गरज ओळखून नवे उत्पादन आणि सेवा देण्याचा प्रयत्न करावा. त्या दृष्टीने समाजाच्या प्रगतीसाठी महिलांचे सक्षमीकरण आवश्यक आहे, असे मत राज्याचे उच्च व तंत्रशिक्षण मंत्री तथा पुणे जिल्ह्याचे पालकमंत्री चंद्रकांतदादा पाटील यांनी व्यक्त केले.
यावेळी आमदार उमा खापरे, महानगरपालिका आयुक्त शेखर सिंह, अतिरिक्त आयुक्त उल्हास जगताप, माजी महापौर माई ढोरे, उपायुक्त चंद्रकांत इंदलकर , विशेष अधिकारी किरण गायकवाड, समाज विकास अधिकारी सुहास बहाद्दरपुरे, माजी सत्तारूढ पक्षनेते एकनाथ पवार , नामदेव ढाके, माजी नगरसदस्य शंकर जगताप, सुरेश भोईर, सागर आंगोळकर , हर्षल ढोरे, अभिषेक बारणे , शत्रुघ्न काटे , अंबरनाथ कांबळे, शशिकांत कदम, विनायक गायकवाड, माजी नगरसदस्या माधवी राजापुरे, उषा मुंडे, शारदा सोनवणे यांच्यासह महिला बचत गटाचे प्रतिनिधी तसेच मोठ्या संख्येने नागरिक उपस्थित होते.
