पिंपरी : चिंचवड विधानसभेत राष्ट्रवादी काँग्रेस शहर पार्टीची मासिक बैठक शहराध्यक्ष अजित गव्हाणे आणि चिंचवड विधानसभेचे निरीक्षक आमदार सुनिल शेळके यांच्या मार्गदर्शनाखाली संपन्न झाली. या बैठकीत पोटनिवडणुकीसाठी राष्ट्रवादी काँग्रेस पूर्ण ताकतीने मैदानात उतरेल असे दिसून आले. यावेळी कार्यकर्त्यांमध्ये कमालीचा उत्साह संचारला होता. यानिमित्त कार्यकर्ते संघटनेचे पदाधिकारी झटून कामाला लागल्याचे चित्र दिसत आहे.
यावेळी आमदार सुनिल शेळके म्हणाले की, भाजपने स्व. आमदार लक्ष्मण जगताप दवाखान्यात प्रकृतीशी झुंज देत असताना चिंचवड विधानसभेच्या पोटनिवडणुकीची तयारी चालू केली होती. ही गोष्ट अतिशय दुर्दैवी आहे. अशा प्रकारचे राजकारण करणे हे कुठल्या राजकीय संस्कृतीला धरून आहे का? आता भाजपला पोट निवडणूक बिनविरोध व्हावी, सहनभुती मिळावी असे त्यांना का वाटते. चिंचवड विधानसभेत राष्ट्रवादी काँग्रेसची मोठी ताकद आहे. मागील निवडणुकीत कसर भरून काढण्यासाठी राष्ट्रवादी काँग्रेसचा सच्चा कार्यकर्ता पोट निवडणुकीसाठी मैदानात उतरेल. चिंचवडमध्ये “काटे ची लढाई देवून परिवर्तनाची कलाट”णी देवून पुन्हा घड्याळाचा गजर होईल असा विश्वास शेळके यांनी यावेळी बोलताना व्यक्त केला.
गेली ३ दशके राष्ट्रवादी काँग्रेसचे अध्यक्ष शरद पवार आणि विधानसभेचे विरोधी पक्षनेते अजितदादा पवार यांनी या शहराचा कायापालट केलेला आहे. शहरात अनेक कार्यकर्त्यांची मोठी फळी घडवलेली आहे त्यामुळे राष्ट्रवादी काँग्रेसला मानणारा मतदार या शहरात व चिंचवड मतदारसंघात मोठ्या संख्येने आहे, म्हणून ही जागा राष्ट्रवादीलाच मिळेल असा विश्वास व्यक्त केला. तरीही महाविकास आघाडीतील वरीष्ठ नेते याबाबत अंतिम निर्णय घेतील असेही त्यांनी म्हटले आहे.
बैठकीचे अध्यक्ष अजित गव्हाणे यांनी बोलताना, येत्या महापालिका निवडणुकीच्या दृष्टीने ही निवडणूक जिंकणे महत्वाचे असल्याचे सांगत सर्व पदाधिकारी, कार्यकर्ते यांच्यात उत्साह भरला आहे. ज्याप्रमाणे मावळची निवडणूक सुनील शेळके यांनी प्रचंड मताधिक्याने जिंकली तशीच चिंचवडची निवडणुकीत देखील विजय मिळवायचा आहे. असेही त्यांनी सांगितले.
महिला शहराध्यक्ष कविता आल्हाट यांनी आपल्या भाषणात, चिंचवड निवडणुकीसाठी सर्वांनी तयारीला लागण्याचे आवाहन केले तसेच ही निवडणूक आपल्याला कुठल्याही परिस्थितीत जिंकायची आहे असे प्रतिपादन केले.
यावेळी चिंचवड विधानसभेचे पक्षनिरीक्षक आमदार सुनील आण्णा शेळके, शहराध्यक्ष अजित गव्हाणे, महिला शहराध्यक्ष कविताताई अल्हाट, युवक शहराध्यक्ष इम्रान शेख, युवती अध्यक्ष वर्षा जगताप, चिंचवड ज्येष्ठनेते विठ्ठल उर्फ नाना काटे, ज्येष्ठ नगरसेवक भाऊसाहेब भोईर, माजी नगरसेवक प्रशांत शितोळे, अतुल शितोळे, मयूर कलाटे, पंकज भालेकर, विनोद नढे, राजेंद्र जगताप, राजू लोखंडे, अरुण बोराडे , फजल शेख, प्रदेश सरचिटणीस विशाल वाकडकर, विशाल काळभोर, प्रशांत सपकाळ, चिंचवड विधानसभेचे कार्याध्यक्ष श्याम जगताप, तानाजी जवळकर, स्वीकृत सदस्य शिवाजी पाडुळे, पिंपरी भोसरी चिंचवड विधानसभेतील आजी माजी नगरसेवक सर्व पदाधिकारी व महिला कार्यकर्ते मोठ्या संख्येने उपस्थित होते.
