पिंपरी : चिंचवड विधानसभा पोटनिवडणुकीसाठी उमेदवारी अर्ज भरण्याच्या मंगळवारी पहिल्या दिवशी २० जणांनी ३४ उमेदवारी अर्ज नेले आहेत. त्यामध्ये भाजप, रिपब्लिकन पार्टी ऑफ इंडिया, एमआयएम, वंचित बहुजन आघाडी, पिंपरी- चिंचवड परिवर्तन आघाडीच्या प्रत्येक एक आणि राष्ट्रवादी काँग्रेसकडून तिघांनी तसेच अपक्ष १२ जणांनी उमेदवारी अर्ज नेले आहेत.
चिंचवडचे दिवंगत आमदार लक्ष्मण जगताप यांच्या ३ जानेवारी रोजी निधनानंतर अवघ्या महिनाभरात पोटनिवडणूक लागली आहे. या पोटनिवडणुकीसाठी प्रमुख विरोध पक्ष असणाऱ्या राष्ट्रवादी काँग्रेस शहर 12 अपक्ष व इतर लहान मोठ्या पक्षांनी उमेदवारी अर्ज घेतले आहेत. ७ जानेवारी पर्यंत उमेदवारी अर्ज भरण्याची शेवटची तारीख आहे.
उमेदवारी अर्ज वाटप व सादर करण्याच्या पहिल्या दिवशी २० जणांनी अर्ज नेले आहेत. भारतीय जनता पार्टीकडून बायडाबाई ऊर्फ कल्पना सुखदेव काटे, रिपब्लिकन पार्टी ऑफ इंडियाकडून ऍड. अनिल बाळू सोनवणे, राष्ट्रवादी कॉंग्रेसकडून माजी नगरसेवक राजेंद्र जगताप, माया संतोष बारणे, संभाजी बाळासाहेब बारणे, एमआयएमकडून जावेद शेख, वंचित बहुजन आघाडी कडून रविंद्र विनायक पारदे, पिंपरी-चिंचवड परिवर्तन आघाडीकडून रावसाहेब शंकर चव्हाण आणि अपक्ष म्हणून प्रफुल्ला शैलेंद्र मोनलिंग, हरीभाऊ ऊर्फ हरिष भिकोबा मोरे, भोसले मिलिंद राजे, रफिक रशिद कुरेशी, बाळू तुळशीराम शिंदे, दादाराव किसन कांबळे, वहिला शहेनू शेख अविनाश तुकाराम गायकवाड, अजय हनुमंत लोंढे, सुधीर लक्ष्मण जगताप, बालाजी लक्ष्मण जगताप, सालारभाई उमरसाब शेख या २० जणांनी ३४ उमेदवारी अर्ज नेले आहेत.
