“पिंपळे सौदागर” करांचा एकमुखी परिवर्तनाचा नारा….
पिंपळे सौदागर : चिंचवड विधानसभा पोटनिवडणुकीत राष्ट्रवादी काँग्रेस पक्षाने नाना काटे यांना उमेदवारी जाहीर केली आहे. त्यानंतर खऱ्या अर्थाने पिंपळे सौदागर मधील सर्व ग्रामस्थ एकवटले आणि आगामी चिंचवड विधानसभेसाठी नाना काटे यांच्या रूपाने दमदार आमदार देण्याचा निर्धार सर्व ग्रामस्थांनी घेतला. सर्वसामान्यांची जनसंपर्क असणारे नाना काटे यांचे चिंचवड मतदारसंघात असलेले संघटन आणि पक्षाचे प्राबल्य या जोरावर ते निवडून येतील. उमेदवारी अर्ज भरलेल्या पहिल्याच रात्री सर्व ग्रामस्थ एकजुट असल्याचे दर्शन यावेळी दिसून आले.
नाना काटे ऍक्शन मोडमध्ये….
रहाटणी पिंपळे सौदागर येथे नाना काटे गेले १५ वर्ष नगरसेवक आहेत. आता आपल्या पिंपळे सौदागरचे शिल्पकार सर्वमान्य लोकप्रतिनिधी नाना काटे यांना आमदार करण्यासाठी संपूर्ण पिंपळे सौदागरने कंबर कसल्याचे दिसून येत आहे. पिंपळे सौदागरचे ग्रामदैवत मुंजोबा महाराज मंदिर येथे पिंपळे सौदागरमधील सर्व ग्रामस्थ, भावकी, नातेवाईक, हितचिंतक, सहकारी, कुटुंबातील सदस्य यांनी स्वयंस्फूर्तीने बैठक घेतली. या बैठकीत सर्वांनी एकमताने नाना काटे यांच्यासाठी आपआपसातील सर्व नाराजी विसरून एकदिलाने नाना काटे यांच्या मागे उभा राहण्याचा निर्धार करण्यात आला. संपूर्ण गावच एकत्रीत झाल्याने नाना काटेंचे पाहिले पाऊल यशस्वी झाले आहे असे दिसते.
नाना काटे यांच्या रूपात आपल्या हक्काचा माणूस आमदार होणार आहे, या निमीत्ताने पिंपळे सौदागर चे नाव राज्याच्या विधिमंडळात पोहचण्याची संधी आपल्याला मिळाली आहे, असा सूर या बैठकीत उमटलेला दिसून आला. आजवर आपल्या अडीअडचणीत निस्वार्थ वृत्तीने आपल्या पाठीशी उभ्या राहणाऱ्या नेत्यास आमदार करण्यास सर्वांनी पूर्ण ताकदीने निवडणुकीत काम करणार असल्याचे जाहीर केले.
पिंपळे सौदागरवासियांचा पूर्ण चिंचवड मतदारसंघात प्रभाव आहे. नातेवाईक मंडळी मोठ्या प्रमाणात आहे. याठिकाणी मिळालेले एकतर्फी समर्थन हे नाना काटेंना विजयाच्या नजिक घेवुन जाणारे आहे.
