पिंपरी, दि. ७ (प्रतिनिधी) – विद्याथ्र्यांच्या शिक्षणासाठी आई-वडील खूप कष्ट घेतात. त्यांना उत्तम शिक्षण कसे मिळेल, यासाठी ते नेहमीच प्रयत्नशील असतात. त्यांच्या कष्टामुळे आज विद्यार्थी यशाची पायरी चढत आहेत. त्यामुळे आपले पालक हे नेमही आपल्या आयुष्यात प्रथमस्थानी असायला हवेत. तुम्ही दररोज आई-वडिलांना नमस्कार करावा, तुम्हाला आयुष्यात कशाचीही कमी भासणार नाही असे माजी नगरसेविका सिमा सावळे यांनी व्यक्त केली.
कशाचीच कमी भासणारजिजाई प्रतिष्ठानच्या अध्यक्षा तथा माजी नगरसेविका सिमा सावळे यांच्या वतीने २०२२-२३ या शैक्षणिक वर्षात इयत्ता १० वी व १२ वीच्या परीक्षेत उत्तम गुण मिळवून उत्तीर्ण झालेल्या विद्यार्थ्यांचा सत्कार करण्यात आला. हा कार्यक्रम रविवारी (दि. ६) मोशी प्राधिकरणातील विरंगुळा केंद्रात पार पडला. यावेळी बांधकाम व असंघटित कामगार संघाचे अध्यक्ष सारंग कामतेकर, ज्योती सिंग, वर्षा मुंडे, सचिन मुंडे, निवृत्ती अमुप, बबनराव गाढवे, अरुण गरड, शंतनू जाधव, संदीप नलावडे, अनिकेत पोतदार, शाहरुख शेख, सुनिता हिरवटे, सारिका हुलावळे यांच्यासह सर्व शिक्षक, विद्यार्थी व पालक आणि जिजाई प्रतिष्ठानचे कार्यकर्ते उपस्थित होते.
सारंग कामतेकर म्हणाले, इयत्ता १० वी आणि १२ वी ही यशाची पहिली पायरी आहे. त्यामुळे आपल्याला नक्की कोणत्या क्षेत्रात करिअर करायचं आहे, हे आताच ठरविणे गरजेचे आहे
