पिंपरी : ओव्हर टाईम करून घेत सतत कामावरून काढून टाकण्याची धमकी दिली. तसेच मानसिक छळ केल्याने उच्चशिक्षित तरुणाने गळफास लावून आत्महत्या केली. याप्रकरणी कंपनीच्या व्यस्थापकावर गुन्हा दाखल केला. गव्हाणे वस्ती, भोसरी येथे शनिवारी (दि. १४) सायंकाळी सहाच्या सुमारास ही घटना उघडकीस आली.
सुशील भीमसिंह पाटील (२७) असे मयत तरुणाचे नाव असून, याप्रकरणी सुशील याचा भाऊ सागर भीमसिंह पाटील यांनी भोसरी पोलिस ठाण्यात सोमवारी (दि. १६) फिर्याद दिली. त्यानुसार एस. एच. जे. इंटेल टेक. प्रायव्हेट लिमिटेड कंपनीचा ऑपरेशन मॅनेजर नीरज द्विवेदी याच्यावर गुन्हा दाखल केला
पोलिसांनी दिलेल्या माहितीनुसार, सुशील हा उच्चशिक्षित होता. तो एस एच. जे. इंटेल टेक. प्रायव्हेट लिमिटेड या मध्य प्रदेश येथील कंपनीत काम करीत होता. त्याचे काम हे वर्क फ्रॉम होम होते. यावेळी इंटरनेटचा अडथळा आला किंवा इतर काही अडचणी आल्या. तर व्यवस्थापक निरज हा सुशील याच्याकडून ओव्हर टाइम करून घेत होता. तसेच ओव्हर टाइम नाही केल्यास पुअर रिमार्क दिला जाईल व मी नोकरीवरून काढून टाकेन. नंतर इतर ठिकाणीही तुला काम मिळणार नाही, अशा प्रकारच्या धमक्या आरोपी सुशील याला देत होता. सुशील याच्या कामांमध्ये काही तांत्रिक अडचणी आल्या.
