पिंपरी : पिंपरी गाव ते पिंपळे सौदागरकडे जाणाऱ्या पुलाचे काम लवकरच पुर्ण होणार आहे असे मत माजी विरोधी पक्षनेते तथा पिंपळे सौदागरचे विद्यमान नगरसेवक नाना काटे यांनी बोलताना व्यक्त केले. आज त्यांनी सदर पुलाच्या कामांचा आढावा व माहिती घेतली त्यावेळी ते बोलत होते.
पिंपळे सौदागर येथून पिंपरीकडे जाताना जुन्या पुलालगत नविन समांतर पुल बांधण्याचे काम चालु आहे. त्याचे काम पुर्ण करून तो वाहतुकीसाठी खुला करण्यात येणार आहे. या पुलाचे काम करत असताना दत्त मंदिर समोरील रस्त्याचे डांबरीकरण करताना गावठाणातील पाणी लोंढे वस्ती आणि परिसरात येथे येते. त्या पाण्याचा निचरा होणे आवश्यक आहे. त्यामुळे स्टॉर्म वॉटर लाईन ,ड्रेनेज लाईन , पाण्याची लाईन इत्यादीचा योग्य प्रमाणात निचरा होईल याची प्रामुख्याने काळजी घेण्याचा सुचना नाना काटे यांनी संबंधित महापालिकेचे अधिकारी व ठेकेदार यांना दिल्या.
तसेच पुलाचा बाजुने लोखंडी रेलिंग केले जाणार आहे त्याचे नमुना रेलिंग बसवले त्याची पाहणी केली. नागरी सुरक्षेचा दृष्ठीने चागल्या दर्जाचे असावे तसेच गावठाणातून पुलाकडे येताना डांबरीकरणाचा उतार योग्य प्रमाणात करण्यात यावा. जेणेकरून नागरिकांना वाहने चालवताना त्रास होणार नाही अशा सुचना देखील संबधित अधिकारी यांना काटे यांनी यावेळी केल्या.
