पिंपळे सौदागर : रविवार दि. २३/०६/२०२४ रोजी पिंपळे सौदागर येथील बासुरी बँक्वेट हॉल याठिकाणी शत्रुघ्न काटे युथ फाउंडेशन मार्फत आयोजित दहावी व बारावीतील गुणवंत विद्यार्थ्यांचा सत्कार समारंभ तसेच करियर मार्गदर्शन शिबीर कार्यक्रम संपन्न झाला. यावेळी खासदार श्रीरंग बारणे व आमदार अश्विनीताई जगताप यांच्या हस्ते दहावी व बारावीची मधील विद्यार्थ्यांना सायकल, स्कूल बॅग, ट्रॉफी, पुष्पगुच्छ व प्रशस्तीपत्र देऊन गौरवण्यात आले.
याप्रसंगी मान्यवरांनी आपले विचार व्यक्त करतांना सांगितले की आज या गुणवंत विद्यार्थ्यांनी आयुष्याची पहिली पायरी यशस्वीपणे पार करून दाखवले आहे. परंतू दिल्ली अभी दूर हैं……. आयुष्याच्या या प्रवासात एवढ्याश्या यशाने हरभडून न जाता किंवा यशाची हवा आपल्या मेंदूत घुसू न देता आपल्या समोर येणाऱ्या पुढच्या आव्हानांचा सामना करण्यासाठी आपण सज्ज झाले पाहिजे. नवनवीन आव्हाने पेलण्यासाठी यापुढील प्रवासाला योग्य दिशा देण्याची नितांत गरज असते. ती गरज मार्गदर्शन शिबिर मार्फत पूर्ण होत असते. यश ही नशिबाने मिळणारी गोष्ट नाही. उच्चीत उद्दीष्टपूर्तीकडे होणारी वाटचाल म्हणजे यश आणि जर आपल्याला वारंवार अपयश मिळत असेल तर याबाबत दुख: करीत बसू नका कारण काळ बदलत असतो. यासाठी वारंवार प्रयत्न करा व सतत प्रगतिच्या दिशेने पाऊले टाका असा संदेश अरुणराज जाधव यांनी उपस्थित विद्यार्थ्यांना दिला. तसेच पुढील काळात कोणतेही क्षेत्र निवडतांना विद्यार्थ्यांसमोरील पर्याय व आव्हाने याबाबत सविस्तर मार्गदर्शन केले. यावेळी ५०० पेक्षा जास्त विद्यार्थ्यांनी उपस्थित राहून मार्गदर्शन शिबिराला उपस्थिती लावली.
आजची तरुण पिढी आपल्या उद्याच्या समाजाची तसेच या देशाचे उज्वल भविष्य आहे. या भविष्याचा पाया मजबूत करण्यासाठी , त्यांना एक योग्य दिशा देण्यासाठी आणि एका सुरक्षित हातात आपल्या देशाचे भविष्य देण्यासाठी, त्यांचे हात बळकट करण्यासाठी असे कार्यक्रमाचे आयोजन करण्याची गरज आहे असे मत आमदार अश्विनी जगताप यांनी व्यक्त केले.
यावेळी मुख्य आयोजक शत्रुघ्न काटे, प्रमुख पाहुणे खासदार श्रीरंग बारणे, आमदार अश्विनीताई जगताप, जेष्ठ नेते भाऊसाहेब भोईर, जयनाथ काटे, माजी नगरसेवक राजेंद्र जगताप, माजी नगरसेवक चंद्रकांत अण्णा नखाते, मोरेश्वर शेडगे, उद्योजक रवी सांकला, जॉन्सन पौलेसे कीलकून, डॉ. रोहन काटे, भानुदास काटे पाटील, प्रकाश झिंजुर्डे, बाळासाहेब (नाना) काटे, विजूदादा धनवटे, उद्योजक वसंत काटे, धनंजय भिसे, उद्योजक राम वाकडकर, IIB इन्स्टिटयूटचे महेश लोहारे, अरुण चाबुकस्वार, कैलास कुंजीर, प्रवीण कुंजीर, सुभाष भिसे, बाळकृष्ण परघळे, दीपक बोडके,श्रीमती शीतल पटेल, दिपक गांगुर्डे, संदीप फुके, समीर देवरे, विनोद सुर्वे आणि इतर मान्यवर उपस्थित होते. या कार्यक्रमाचे सूत्रसंचालन विकास (भोला) काटे आणि श्रीमती उषा भारद्वाज यांनी केले.
