पिंपरी : अचानक आग लागून कापड दुकान आणि डेंटल क्लिनिकमधील साहित्य खाक झाले. या भीषण आगीत एक कोटी १५ लाखांचे नुकसान झाले. रहाटणी येथील शिवार चौकातील रॉयल अव्हेन्यू या इमारतीत सोमवारी (दि. २७) रात्री पावणेदोनच्या सुमारास ही घटना शॉर्टसर्किटमुळे घडली. आग लागल्याचा प्राथमिक अंदाज वर्तवण्यात येत आहे.
काळेवाडी पोलिस ठाण्याचे वरिष्ठ पोलिस निरीक्षक राजेंद्र बहिरट यांनी दिलेल्या माहितीनुसार, पिंपरी-चिंचवड शहरातील रहाटणी येथील शिवार चौकात रॉयल अव्हेन्यू ही पाच मजली इमारत आहे. या इमारतीच्या तळमजल्यावर आदित्य फॅशन हब नावाचे कापड दुकान आहे. या इमारतीत – सोमवारी रात्री अचानक आग लागली. आदित्य फॅशन हब या दुकानात कापड असल्याने आगीने लगेचच रौद्र रूप घेतले. आगीचे लोळ आणि धुराचे लोट – दुकानातून बाहेर आले. यात दुकानाच्या रॉयल अव्हेन्यू या इमारतीच्या दुसऱ्या मजल्यावर डॉ. वैशाली ठोके यांचे डेंटल क्लिनिक आहे. आग लागल्याबाबत डॉ. वैशाली यांना रात्री दोनच्या सुमारास माहिती मिळाली.
त्यानंतर त्यांनी लगेचच घटनास्थळी धाव घेतली. वर्षभरापूर्वी लाखो रुपये खर्च करून दवाखान्याचे नूतनीकरण केले होते. मात्र, आग लागून क्षणात सर्व काही खाक झाले, असे डॉ. वैशाली यांनी सांगितले.
१ कोटी १५ लाखांचे आगीत नुकसान
वरच्या मजल्यावरील दातांच्या दवाखान्याल देखील आग लागली दवाखान्यातील खुची फर्निचर, इलेक्ट्रिक बोर्ड खाक झाले. इमारतीच्या तिसऱ्या, चौथ्या आणि पाचव्या मजल्यावरही आगीचे लोळ आणि धुरामुळे नुकसान झाल्याचे प्रत्यक्षदर्शीनी सांगितले. यात जीवितहान झाली नाही. दरम्यान, माहिती मिळताच पिंपरी-चिंचवड अग्निशामक दलाच्य गाड्या घटनास्थळी दाखल झाल्य पिंपरी येथील मुख्य केंद्रातील दोन, तसेच भोसरी, चिखली, मोशी, रहाटणी आणि थेरगाव केंद्रातील प्रत्येकी एक बं घटनास्थळी दाखल झाले.
