पिंपळे सौदागर : पिंपळे सौदागर येथील सामाजिक कार्यकर्त्या अनिता संदीप काटे यांनी परिसरातील महिलांसाठी हळदी कुंकू कार्यक्रमाचे आयोजन केले होते. या कार्यक्रमात सोसायटीतील आणि आसपासच्या भागातील महिलांनी मोठ्या उत्साहात सहभाग घेतला. कार्यक्रमाची रंगत आणताना महिलांनी एकमेकांना हळदी कुंकू लावून साखर पॅकेज भेट दिली आणि एकमेकांचा सन्मान केला.
यामध्ये ५०० महिलांनी हळदी कुंकू कार्यक्रमात सहभाग घेतला, ज्यामध्ये विविध प्रकारच्या सांस्कृतिक कार्यक्रमांचा समावेश होता. महिलांमधील एकता, सांस्कृतिक विविधता आणि उत्साहाने भरलेली वातावरण उपस्थितांसाठी अविस्मरणीय ठरली.
अनिता संदीप काटे यांनी या कार्यक्रमाच्या आयोजनात महत्त्वाची भूमिका बजावली. त्यांचं उद्दिष्ट महिलांमध्ये सहकार्य आणि आपसी प्रेम वाढवणे आहे. महिलांच्या विकासासाठी असं व सुरक्षित वातावरण तयार करण्याचा त्यांचा प्रयत्न असून अशा कार्यक्रमांद्वारे महिलांच्या सशक्तीकरणाला चालना मिळत आहे. कार्यक्रमाच्या आयोजनावर महिलांनी समाधान व्यक्त करत, असे कार्यक्रम भविष्यात अधिक मोठ्या प्रमाणात आयोजित केले जावेत अशी अपेक्षा व्यक्त केली.
