पिंपरी : पिंपरी-चिंचवड महापालिकेच्या कर आकारणी व कर संकलन विभागाने चालू आर्थिक वर्षाच्या (२०२५-२६) पहिल्या तिमाहीमध्ये ५२२ कोटी ७२ लाख रुपयांचा मालमत्ता कर वसूल केला. ३० जूनपर्यंत असलेल्या विविध सवलतींचा लाभ घेत चार लाख १२ हजार मालमत्ताधारकांनी कराचा भरणा केला आहे. या मालमत्ताधारकांना ३५ कोटी १६ लाखांचा लाभ सवलतीपोटी देण्यात आाला आहे.
पिंपरी-चिंचवड शहरात सहा लाख ३३ हजार ६६४ निवासी, औद्याेगिक, मिश्र, माेकळ्या जमीन, औद्योगिक अशा मालमत्ता आहेत. मालमत्ता कर हा महापालिकेच्या उत्पन्नांचा मुख्य स्त्रोत आहे. यंदा विभागाला एक हजार कोटी रुपयांचे उद्दिष्ट देण्यात आले आहे. पहिल्या तिमाहीत निम्मे उद्दिष्ट पूर्ण करण्यात विभागाला यश आले.