स्व. हिराबाई किसनराव लांडगे यांच्या पुण्यस्मरणार्थ सेवाभावी उपक्रम
पिंपरी चिंचवड | प्रतिनिधी
आषाढी एकादशीच्या पवित्र दिवशी, स्वर्गीय हिराबाई किसनराव लांडगे यांच्या पुण्यस्मरणार्थ आमदार पैलवान महेशदादा लांडगे युवा मंच, सौ. कीर्तीताई मारुती जाधव युथ फाऊंडेशन आणि श्रीमंत छत्रपती शिवाजी महाराज प्रतिष्ठान यांच्या संयुक्त विद्यमाने शिवाजी पार्क, कृष्णानगर येथील श्री विठ्ठल-रुक्मिणी मंदिरात उपवास फळ वाटप कार्यक्रम भक्तिभावाने पार पडला.
या उपक्रमाचे संपूर्ण नियोजन श्री. मारुती जाधव व सौ. कीर्ती मारुती जाधव यांच्या पुढाकाराने करण्यात आले होते. भाविकांनी मंदिरातच पंढरपूरच्या वारीचा भक्तिमय अनुभव घेतला. प्रत्यक्ष वारीला जाऊ न शकलेल्या भाविकांसाठी मंदिरातच विठ्ठलनामाच्या गजरात, एकात्मतेच्या भावनेने परिपूर्ण असा सोहळा संपन्न झाला.
कार्यक्रमात विठ्ठलाची प्रार्थना, अभंग, आणि भक्तिरसात न्हालेलं वातावरण निर्माण झाले होते. उपवास करणाऱ्या महिला, पुरुष व बालकांसाठी विशेष स्वादिष्ट फराळाचे वाटप करण्यात आले. या भक्तिमय उपक्रमाला परिसरातील नागरिकांनी मोठ्या संख्येने प्रतिसाद दिला.
कार्यक्रमावेळी श्री. भास्कर गावडे, श्री. प्रभाकर भोळे, श्री. शिवानंद चौगुले, श्री. संतोष जाधव, श्री. धनंजय जाधव, श्री. संदीप दीक्षित, निवृत्ती म्हेत्रे, लहू म्हेत्रे, कृष्णा जाधव यांच्यासह अनेक मान्यवर आणि नागरिक उपस्थित होते. या उपक्रमाच्या माध्यमातून सामाजिक एकात्मता, सेवा, श्रद्धा आणि भक्तीचा सुंदर संगम अनुभवायला मिळाला.
