पिंपरी : उपमुख्यमंत्री अजित पवार आपल्या शिस्तप्रिय स्वभावासाठी ओळखले जातात. याशिवाय शारिरीक तंदरुस्तीच्या बाबतीतही ते नेहमी जागरुक असतात. याचा प्रत्यय नुकताच पिंपरी चिंचवडमधील एका कार्यक्रमात आला. अजित पवार यांनी पोलीस आयुक्त अंकुश शिंदे यांच्यासमोरच पोलीस उपायुक्तांना ‘थोडं बारीक व्हा’ असा सल्ला दिला.
नेमकं काय झालं?
आज पिंपरी-चिंचवड महानगरपालिकेच्या मुख्य इमारतीत अजित पवार यांच्या हस्ते फायर फायटर बाईक आणि पोलिसांना गस्त घालण्यासाठी अत्याधुनिक बाईक देण्यात आल्या. यावेळी पोलीस आयुक्तालयातील डीसीपी डॉ. काकासाहेब डोळे हे व्यासपीठावर प्रातिनिधीक चावी स्वीकारण्यासाठी आले होते. अजित पवारांनी यावेळी चावी देताना त्यांच्याकडे पाहून सर्वांसमोरच ‘जरा बारीक व्हा’ असा सल्ला दिला.
