पिंपरी : राज्याचे उपमुख्यमंत्री तथा पालकमंत्री अजितदादा पवार यांचा शनिवार दिनांक 11 जून रोजी नियोजित दौरा रद्द करण्यात आला आहे. राज्यसभा निवडणुकीच्या निकालाचा रात्री उशिरा बारापर्यंत लागला नसल्यामुळे व महाविकासआघाडीतील सर्व मंत्री व आमदारांना मुंबई न सोडण्याचा आदेश आल्याने अजित पवार यांचा दौरा रद्द करण्यात आला आहे.
शनिवारी 11 जून रोजी उपमुख्यमंत्री अजित पवार यांच्या हस्ते पिंपरी-चिंचवड शहरातील विविध विकास कामांचे उद्घाटन, भूमिपूजन व अनेक शिल्प अनावरण करण्यात येणार होते. यामध्ये प्रामुख्याने पिंपरी चिंचवड महानगरपालिके जवळील मोरवाडी चौकात मेट्रो ब्रिज खाली लाल घोडा शिल्प शहरातील नागरिकांचे लक्ष वेधून घेणार होता. वर्षानुवर्षे मोरवाडी चौकाचे नाव बदलून नव्याने त्याची ओळख लाल घोडा चौक म्हणून झाली तर नवल वाटायला नको. याच बरोबर शनिवारी पिंपरी चिंचवडमध्ये पिंपळे सौदागर येथील कोकणे चौकात रिंग ऑफ लाइफ शिल्प, वाकड जंक्शनचे चित्ता शिल्प व पिंपळे निलख येथील शहीद कामटे उद्यानासमोर हत्तीचे शिल्प बसवण्यात आले त्याचे उद्घाटन करण्यात येणार होते.
