लोणावळा : जिल्हा विधी सेवा प्राधिकरण पुणे, तालुका विधी सेवा समिती वडगाव मावळ व वडगाव मावळ बार असोसिएशन यांच्या संयुक्त विद्यमाने लोणावळा नगरपरिषदेत आयोजित कायदेविषक शिबीर व मोबाईल व्हॅन लोक आदालतीमध्ये एकुण 422 दाखलपूर्व प्रकरणे निकाली व एकुण रक्कम रु. 45,17,675 /- रुपयांचा महसुल जमा झाला.
लोणावळा येथे 16 जुन रोजी जिल्हा विधी सेवा प्राधिकरण पुणे, तालुका विधी सेवा समिती वडगाव मावळ व वडगाव मावळ बार आसोसिएशन यांच्या संयुक्त विद्यमाने लोणावळा नगरपरिषदेत आयोजित कायदेविषक शिबीर व मोबाईल व्हॅन लोक अदालतीचे आयोजन केलेले होते. या शिबीरात निवृत्त जिल्हा न्यायाधीश मा. डी. डी. कांबळे यांनी उपस्थितांना मार्गदर्शन केले. आयोजित लोकअदालतीमध्ये एकुण 422 दाखलपूर्व प्रकणे सामजस्याने निकाली निघाली व एकुण रक्कम रु. 45,17,675/- रुपयांचा महसुल जमा झाला. लोक अदालतीमध्ये पॅनल जज्ज म्हणून निवृत्त जिल्हा न्यायाधीश मा. डी. डी. कांबळे, वडगाव मावळ बार असोसिएशनच्या सचिव अॅड. सुधा शिंदे व अॅड. विशाल गाढवे यांनी काम पाहिले.
या लोक अदालतीच्या आयोजनामध्ये वडगाव मावळ बार असोसिएशनचे अध्यक्ष अॅड. मच्छिंद्र घोजगे, उपाध्यक्ष अॅड. अविनाश पवार, मा. उपाध्यक्ष अॅड. संजय वांद्रे, सचिव अॅड. हेमंत वाडेकर, अॅड. संजिव खळदकर, अॅड. शैलेश पडवळ, अॅड. महेंद्र खांदवे, अॅड. अतुल निंबळे, अॅड. बडेकर, अॅड. पडवळ, अॅड. विदुला वर्तक, अॅड. वैशाली साबळे, अॅड. मनिषा कोल्हे तालुका विधी सेवा समितीचे अधिकारी सुनिल केवटे यांनी सहभाग घेतला. लोकअदालत यशस्वी करण्यसाठी वडगाव मावळ बार असोसिएशनचे सभासद वकिल बंधू भगिनी मोठ्या संख्येने उपस्थित होते.
