पुणे : माणगाव-पुणे रस्त्यावरील ताम्हिणी घाटात भीषण अपघात झाला आहे. अपघातग्रस्त कार 150 ते 200 फूट खोल खड्ड्यात पडली आहे. या अपघातात तिघांचा जागीच मृत्यू झाला, तर तीन जण गंभीर जखमी झाले. मृत तीन प्रवासी वाशिम जिल्ह्यातील रहिवासी आहेत. जखमींवर माणगाव येथील खासगी रुग्णालयात उपचार सुरू आहेत. वाशिम जिल्ह्यातील काही तरुण कोकण पर्यटनासाठी बाहेर पडले होते. पुण्याहून देवकुंडला जात असताना माणगाव-पुणे रस्त्यावरील ताम्हिणी घाटात कारचा अपघात झाला. कार 200 फूट खोल दरीत कोसळली. यामध्ये कारचा चक्काचूर झाला आहे. ऋषभ चव्हाण, सौरभ हिंगे, कृष्णा राठोड अशी या अपघातात मृत्यू झालेल्यांची नावे आहेत. त्यांचा जागीच मृत्यू झाला असून हे सर्वजण वाशिम जिल्ह्यातील रहिवासी आहेत.
कार खडकावर आदळून खड्ड्यात पडली
ऋषभ चव्हाण, सौरभ हिंगे, कृष्णा राठोड अशी या अपघातात मृत्यू झालेल्यांची नावे आहेत. त्याचा जागीच मृत्यू झाला. रोशन गाडे, प्रवीण सरकटे, रोशन चव्हाण हे गंभीर जखमी असल्याचे सांगण्यात आले. शनिवार 20 ऑगस्ट 2022 रोजी सायंकाळी 6 वाजताच्या सुमारास हा प्रकार घडला. हे पर्यटक वाशिमहून खालच्या कोकणातील देवकुंडला जात होते. यावेळी भीषण अपघात झाला. एका वळणावर थांबल्यानंतर कार सुमारे दोनशे फूट खोल दरीत कोसळली.
रात्री उशिरापर्यंत बचावकार्य सुरू होते
या भीषण अपघाताची माहिती मिळताच पोलीस निरीक्षक राजेंद्र पाटील, माणगाव पोलीस पथक व साळुंखे बचाव पथक घटनास्थळी दाखल झाले. याठिकाणी रुग्णवाहिकाही बोलावण्यात आली. कारमधील तीन जणांचा मृत्यू झाला, तर चार तरुण अडकले. पोलीस व साळुंखे बचाव पथकाने त्यांना बाहेर काढले. मृत व जखमींना माणगाव उपजिल्हा रुग्णालयात दाखल करण्यात आले आहे. या संदर्भात घटनास्थळी रात्री उशिरापर्यंत बचावकार्य सुरू होते. याप्रकरणी माणगाव पोलिस ठाण्यात अपघाताची नोंद करण्यात आली आहे. माणगाव पोलीस अधिक तपास करत आहेत.
