चिंचवड : कोरोनाच्या महामारी नंतर दोन वर्षाच्याच्या प्रदीर्घ कालावधीनंतर पोदार इंटरनॅशनल स्कूल चिंचवड आयोजित पोदार थंडर १० फुटबॉल अंतर शालेय क्रीडा स्पर्धा सुरुवात झाली. दोन वर्षानंतर झालेल्या या क्रीडा स्पर्धेमध्ये खेळाडूंनी मोठ्या उत्साहाने सहभाग घेतला १४ वर्षे वयोगट मुलींच्या गटामध्ये चिंचवड येथील पोदार इंटरनॅशनल स्कूल संघाने पोदार वाकड स्कूलचा अंतिम सामन्यात १-० ने पराभव करीत विजय प्राप्त केला. व तसेच १४ वर्ष मुलांच्या गटा मध्ये पोदार चिंचवड ने पोदार पिपरीचा अंतिम सामन्यात ४ – ० ने पराभव केला.
तसेच १७ वर्ष मुलांच्या गटात अटीतटीच्या सामन्यात पेनालट्टी मध्ये पोदार चिंचवड ने पोदार वाघोलीचा अंतिम सामन्यात १-० ने पराभव केला.तसेच १७ वर्ष मुलीच्या गटात पोदार चिंचवड ने पोदार पिंपरी चा अंतिम सामन्यात २-० ने पराभव केला.
स्पर्धेच्या उद्घाटन करीता संतोष ट्रॉफी राष्ट्रीय फुटबॉल खेळाडू श्री जुबेर देसाई व पोदार पुणे हबचे महाव्यवस्थाक फ्रँकलिन सर, पोदार चिंचवडच्या प्राचार्या सौ शहनाज कोटार मॅडम व तसेच पुणे हब विभाग स्कूलचे सर्व प्राचार्य व क्रीडा शिक्षक उपस्थित होते.
यावेळी स्पर्धेचे प्रमुख पाहुणे म्हणाले की फुटबॉल प्रचार, प्रसार आणि प्रशिक्षण झाल्यास गुणी मुलामुलींना त्यांचे क्रीडा कौशल्य सिद्ध करण्याची संधी मिळेल. तसेच पोदार हबचे महाव्यवस्थापक फ्रँकलिन सर म्हणाले की कोणत्याही क्षेत्रात दीर्घकाळ ठसा उमटवण्यासाठी मैदानी खेळाला पर्याय नाही या वेळी सर्व पुणे हब स्कूल चे प्राचार्य व उपस्थित क्रीडा शिक्षकाचे स्मृती चिन्ह देऊन सत्कार करण्यात आला.
पोदार इंटरनॅशनल स्कूल चिंचवड अंतर्गत दि.२० ते २१ ऑगस्ट २०२२ दरम्यान पोदार ‘थंडर १०’ फुटबॉल स्पर्धेचे आयोजन करण्यात आले होते. तर १४ व १७ वर्षे वयोगट मुले व १७ वर्षे वयोगट मुली यांच्या दरम्यान ही स्पर्धा पोदार स्कूल चिंचवड क्रीडांगणावर टर्फ फुटबॉल मैदानावर प्रथमच घेण्यात आली. यात १४ वर्षे वयोगटात मुलांचे १२ संघ, तर १७ वर्ष वयोगटात मुलींच्या ७ संघांनी सहभाग घेतला. स्पर्धेकरिता पोदार हब पुणेचे सर्व शाळांचे क्रीडा व शारीरिक शिक्षण शिक्षक तसेच फुटबॉलचे सर्व पंच खेळाडूनीं परिश्रम व मोलाचे मार्गदर्शन खेळाडूंना केले.
