कोल्हापूर : कोल्हापूरमध्ये उच्च व तंत्रशिक्षण मंत्री चंद्रकांत पाटील यांच्या समोरच एका तरूणाने आत्मदहनाचा प्रयत्न केला आहे. मात्र, पोलिसांनी या तरूणाला ताब्यात घेतले. या तरुणाने टोकाचे पाऊल उचलल्यानंतरही चंद्रकांत पाटील यांनी या तरुणाची विचारपूस न करताच निघून गेले.
कोल्हापूरमध्ये चंद्रकांत पाटील हे जिल्हाधिकारी कार्यालयात आढावा बैठकीसाठी आले होते. त्यांच्यासमोरच ही घटना घडल्याने पोलीस प्रशासनाची तारांबळ उडाली. संतोष राजू कांबळे असं या तरुणाचे नाव आहे. त्याने जिल्हाधिकारी दालनासमोरच अंगावर रॉकेल ओतून घेत आत्मदहनाचा प्रयत्न केला. जयसिंगपूर नगरपालिकेत अनुकंपाखाली नोकरी मिळण्याची मागण करुनही न्यान मिळत नसल्याने, संतोष कांबळे या तरुणाने आत्मदहनाचा प्रयत्न केला. पण, तिथे हजर असलेल्या पोलिसांनी लगेच झडप घालून त्याला रोखले. त्यामुळे मोठा अनर्थ टळला.
