निगडी : भारतीय जनता पार्टी, निगडी प्राधिकरण विभाग आणि माजी नगरसेविका शर्मिलाताई बाबर यांच्या संयुक्त विद्यमाने पर्यावरणपूरक गणेशमूर्ती कार्यशाळा घेण्यात आली. या कार्यशाळेत सहभागी होत मुलांनी आकर्षक, सुंदर आणि सुबक गणेशमूर्ती बनवत पर्यावरणपूरक गणेशोत्सवासाठी पुढाकार घेतला.
निगडी प्राधिकरणातील ज्ञान प्रबोधिनी शाळेच्या प्रांगणात शनिवारा दिनांक 27 ऑगस्ट 2022 रोजी ही कार्यशाळा घेण्यात आली.या कार्यशाळेत दहा वर्षांपेक्षा जास्त वयाच्या मुले व त्यांचे पालकही सहभागी झाले. कार्यशाळेत मुलांना शाडूची माती, रंग व इतर आवश्यक साहित्य उपलब्ध करून देण्यात आले. त्यानुसार मुलांनी आकर्षक, सुबक अशा सुंदर पर्यावरणपूरक गणेश मूर्ती तयार केल्या. कार्यशाळेत सहभागी मुलांना नगरसेविका शर्मिला बाबर यांच्या हस्ते प्रसिध्दीपत्रक देवून सन्मानित करण्यात आले.
यावेळी मुलांनी तयार केलेल्या मूर्तीची घरी प्राण प्रतिष्ठापना करून त्यांचे विसर्जन घरच्या घरी केले जाईल. यातून पर्यायवरण संवर्धनाचा संदेश देण्याचा हेतू असल्याचे नगरसेविका शर्मिला बाबर यांनी सांगितले. कार्यशाळेत मारुती पाटील यांनी मूर्ती बनिवण्यासाठी मार्गदर्शन केले. कार्यशाळेसाठी अंजली पाटील, दिप्ती इंगळे, स्वाती रणसुभे, आश्विनी त्रिकुटकर, वैशाली आंधळीकर, विलास मोरे यांनी संयोजन केले.
