पिंपरी (प्रतिनिधी) काही कामानिमित्त मी मुंबईला गेले होते. त्या वेळी जबरदस्तीने मनाविरूद्ध मुख्यमंत्री एकनाथ शिंदे यांच्या गटात प्रवेश करून घेतला. प्रवेश केला असल्याच्या चुकीच्या बातम्या पसरवल्या असा आरोप उत्तर भारतीय जिल्हा संघटक कामिनी मिश्रा यांनी केला आहे. मी पहिल्या पासून उद्धव बाळासाहेब ठाकरे यांच्या शिवसेनेत काम करत आहे. पुढेही येथेच काम करेन असेही मिश्रा यांनी व्हीडीओद्वारे जाहिर केले आहे. मिश्रा म्हणाल्या की, कामानिमित्त मुंबईला दिले होते त्यावेळी हातात शिवबंधन काढून मला फसवून विनापरवानची मुख्यमंत्री एकनाथ शिंदे यांनी आपल्या गटात सामील करून घेतले.
मी मरेपर्यंत उद्धव ठाकरे यांच्या नेतृत्वाखाली शिवसेनेत काम करणार आहे महाराष्ट्र बाळासाहेब ठाकरे यांचा आहे. त्यांच्या शिवसेनेपासून मला कोणीही दूर करू शकत नाही. मी आत्तापर्यंत सामाजिक काम करताना घाणेरडे राजकारण करण्यात आले. आता यापुढे जोरदार काम करत महिला राजकारण कसे करावे हेही दाखवून देणारे असा इशारा मिश्रा यांनी दिला आहे. तर दुसरीकडे शिंदे गटातील पदाधिकारी यांनी मिश्रा यांचा जबरदस्तीने प्रवेश करून घेतला असल्याच्या शब्दाचा इन्कार केला आहे.
