मुंबई : फास्टॅग सिस्टीम बदल करण्यात येणार आहे .टोल प्लाझावर फास्टॅग आल्यानंतरही लोकांना जामच्या समस्येला सामोरे जावे लागत आहे. त्यामुळे सरकार फास्टॅगबाबत लवकरच मोठा निर्णय केंद्र सरकार घेऊ शकते. सरकार अशी सुविधा आणू शकते, ज्यामुळे टोल प्लाझाची गरज संपुष्टात येईल. अशा समस्यांपासून सुटका मिळवण्यासाठी केंद्र सरकार नवीन टोलवसुली प्रणाली सुरू करण्याचा विचार करत आहे.
टोल संकलनासाठी ANPR (ऑटोमॅटिक नंबर प्लेट रीडर) कॅमेरे नावाची नवीन GPS-आधारित टोल प्रणाली लागू करण्याची सरकारची योजना आहे.
कशी असेल जीपीएस आधारित प्रणाली…..
ही ANPR (ऑटोमॅटिक नंबर प्लेट रीडर) प्रणाली वाहनाची लायसन्स प्लेट वाचेल, त्यानंतर वाहन मालकाच्या बँक खात्यातून टोल टॅक्स कापला जाईल. ही यंत्रणा प्रवेश आणि बाहेर पडण्याच्या ठिकाणी बसवलेल्या कॅमेऱ्यांवर अवलंबून असेल. हे कॅमेरे लायसन्स प्लेटचा फोटो क्लिक करतील आणि वाहन क्रमांकावरून टोलद्वारे टोल टॅक्स कापतील. फास्टॅगच्या जागी ही नवीन एएनपीआर प्रणाली एक चांगला पर्याय ठरू शकते.
भारतीय परिवहन महामंडळ आणि आयआयएम कलकत्ता यांच्या अहवालानुसार, टोल प्लाझावर उभ्या असलेल्या वाहनांमुळे सुमारे 1 लाख कोटी रुपयांचे तेल वाया जाते आणि टोलनाक्यावरील जाममुळे दरवर्षी सुमारे 45 हजार रुपयांचे तेल वाया जाते. कोट्यवधी रुपयांचे नुकसान होत आहे, म्हणजेच एकूणच टोलनाक्यांमुळे देशाचे १ लाख ४५ हजार कोटींचे नुकसान होत आहे. अशा परिस्थितीत तुमचा खिसा वाचवण्यासाठी आणि देशाचे आर्थिक नुकसान करण्यासाठी जीपीएस यंत्रणा लवकरच सुरू होणार आहे.
वाहनांची नंबर प्लेटही बदलू शकते
सरकार लवकरच वाहनांच्या नंबर प्लेटमध्येही मोठा बदल करू शकते. आता नवीन नंबर प्लेटमध्ये वाहन क्रमांकासह जीपीएस असेल. अलीकडेच केंद्रीय परिवहन मंत्रालयाने नवीन वाहनांमध्ये जीपीएस नंबर प्लेट लावण्याचे आदेश दिले आहेत. यासोबतच आता जुन्या वाहनांमध्येही नव्या नंबर प्लेट लावाव्या लागणार आहेत.
या नवीन नंबर प्लेट्समध्ये नवीन जीपीएसही बसवण्यात येणार आहेत. यासोबतच टोल प्लाझावर एक सॉफ्टवेअर इन्स्टॉल केले जाईल, ज्यामुळे वाहन निघताच तुमच्या खात्यातून टोल टॅक्सचे पैसे कापले जातील. आता तुमच्या वाहनांमध्ये लावलेली नंबर प्लेट सामान्य नसून त्यात जीपीएस यंत्रणा असेल. केंद्रीय परिवहन मंत्रालयाने नवीन वाहनांमध्ये जीपीएस नंबर प्लेट लावण्याचे आदेश दिले आहेत.
दुसरीकडे जुन्या वाहनांमध्ये जुनी नंबर प्लेट काढून नवीन नंबर प्लेट लावावी लागणार आहे. यामध्ये जीपीएस यंत्रणा नंबर प्लेटला जोडण्यात येणार आहे. यासोबतच एक सॉफ्टवेअर इन्स्टॉल केले जाईल, ज्यामुळे तुम्ही टोल प्लाझावर पोहोचताच टोल आपोआप कट होईल.
