रहाटणी : भाजपचे विधान परिषदेतील दोन आमदार यांच्या निधनानंतर पुण्यातील कसबा पेठ व चिंचवड विधानसभेतील पोटनिवडणुकीचा कार्यक्रम जाहीर झाला आहे. या निवडणूकीसाठीची अधिसूचना ३१ जानेवारी रोजी जारी करण्यात येणार असून ७ फेब्रुवारी अर्ज दाखल करण्याची शेवटची तारीख तर ८ फेब्रुवारीला अर्जांची छाननी होईल. १० फेब्रुवारी पर्यंत अर्ज परत घेता येणार आहे. या दोन्ही पोटनिवडणूकांसाठी मतदान २७ फेब्रुवारी आणि निकाल २ मार्च रोजी जाहीर होईल.
https://maharashtramaza.online/?p=162941
चिंचवड विधानसभा बिनविरोध निवड व्हावी अशी भाजपची रणनीती आहे. परंतु या जागेसाठी इतर पक्षातील काही कार्यकर्तेही इच्छूक आहेत. दिवंगत आमदार लक्ष्मण जगताप यांच्या पत्नी अश्विनी जगताप अथवा बंधु शंकर जगताप यांच्या नावाची भाजप वर्तुळात चर्चा सुरु झाली आहेत. शंकर जगताप यांना बिनविरोध निवडून आणण्याचे भाजपचे प्रयत्न चालू आहेत. तर, राष्ट्रवादीकडून नाना काटे, भाऊसाहेब भोईर, मोरेश्वर भोंडवे, शिवसेनेचे राहुल कलाटे, नवनाथ जगताप यांच्या नावाचीही चर्चा सुरु झाली आहे. तर भाजपमधून आणखी एका ज्येष्ठ नगरसेवकाची चर्चा सुरू आहे.
यामध्ये भाजपचे रहाटणीतील मुख्य चेहरा असणारे माजी नगरसेवक चंद्रकांत नखाते यांच्या नावाची नागरिकांमधून दबक्या आवाजात चर्चा आहे . गेल्या ३० वर्षांचा राजकीय अनुभव असणारे चंद्रकांत नखाते दिवंगत आमदार लक्ष्मण जगताप यांचे निकटवर्तीय मानले जातात. त्यामुळे राजकीय वर्तुळात त्यांच्या नावाची चांगलीच चर्चा होत आहे.
जनतेशी असणारा थेट संपर्क आणि विविध उपक्रमातून सामाजिक बांधिलकी जोपासणारा नेता आणि तगडा अनुभव अशी त्यांची ओळख आहे. त्यामुळे या पोटनिवडणुकीत चंद्रकांत नखाते यांच्या नावाची वर्णी लागण्याची शक्यता दिसत आहे. गेल्या काही दिवसांपासून सोशल मीडियावर ”coming soon mla”, ”भावी आमदार”, ”जब समय आयेगा तो सबसे बडा छलांग हम हि मारेंगे” अशा पोस्ट व्हायरल करत येत्या काळात राजकीय चिन्ह बदलण्याची शक्यता दिसत आहे.
