आळंदी : संतश्रेष्ठ श्री ज्ञानेश्वर महाराजांचा (Alandi) आषाढी वारी पालखी सोहळा 2023 चा दिनक्रम श्री ज्ञानेश्वर महाराज संस्थान यांच्या कडून जाहीर झाला असून संत श्रेष्ठ ज्ञानेश्वर महाराज यांच्या पालखीचे प्रस्थान 11 जून रोजी होणार आहे. याबाबत ज्ञानेश्वर वीर महाराज यांनी माहिती दिली.
11 जून रोजी सायं 4 वाजता श्रींच्या पालखीचे मंदिरातून प्रस्थान होऊन रात्रीचा मुक्काम (गांधी वाडा) दर्शन मंडप इमारत आळंदी देवस्थान येथे होणार आहे. 12 जून रोजी आळंदीहुन पालखी पुण्याकडे प्रस्थान होणार आहे. त्या रात्री व 13 जूनच्या रात्री पर्यंत पालखी विठोबा मंदिर, भवानी पेठ येथे मुक्कामी असणार आहे.
14 जून रोजी पुण्याहून सासवडकडे प्रस्थान, 15 जून रोजी सासवड मुक्कामी, 16 जून जेजुरी, 17 जून वाल्हे, 18 जून श्रींचे नीरा स्नान, लोणंद, 19 जून लोणंद मुक्कामी, 20 जून (चांदोबाचा लिंब उभे रिंगण पहिले) तरडगाव, 21 जून विमानतळ फलटण, 22 जून बरड, 23 जून नातेपुते, 24 जून (पुरंदवडे गोल रिंगण पहिले) माळशिरस, 25 जून (खुडूस फाटा गोल रिंगण दुसरे) रात्री वेळापूर मुक्कामी, 26 जून (ठाकूर बुवाची समाधी गोल रिंगण तिसरे), (पहिला टप्पा संत सोपानदेव भेट) रात्री भंडीशेगाव मुक्कामी, 27 जून (बाजीरावची विहीर उभे रिंगण दुसरे), गोल रिंगण (Alandi) चौथे, रात्री वाखरी मुक्कामी, 28 जून (पादुका जवळ आरती व उभे रिंगण तिसरे) पंढरपूर, 29 जूनला पंढरपूर येथे आषाढी एकादशी सोहळा साजरा होईल.
