उद्यानांमध्ये स्वच्छता ठेवणे, पिण्याच्या पाण्याची व्यवस्था करणे, नामफलक लावणे, देखभाल दुरुस्ती विषयक कामे तातडीने करण्याच्या सूचना अतिरिक्त आयुक्त प्रदीप जांभळे पाटील यांनी उद्यान निरिक्षक व संबधित उद्यानाचे कामकाज पाहणा-या ठेकेदारांना दिल्या.
अ क्षेत्रीय कार्यालयांतर्गत येणा-या महानगरपालिकेच्या गणेश विजन आकुर्डी उद्यान, श्री संत ज्ञानेश्वर उद्यान, स्वातंत्र्यवीर सावरकर उद्यान गणेश तलाव, श्री स्वामी समर्थ उद्यान तसेच स्पाईन रोड मधील दुभाजक येथील उद्यान विषयक कामकाजाची पाहणी जांभळे पाटील व उद्यान विभागाचे विभाग प्रमुख रविकिरण किरण घोडके यांनी केली त्यावेळी त्यांनी संबंधितांना सूचना दिल्या.
यावेळी अ क्षेत्रीय अधिकारी सुचिता पानसरे, उद्यान अधिक्षक गोरक्ष गोसावी, कार्यकारी अभियंता रविंद्र पवार आदी उपस्थित होते. सकाळी 9 वाजता अतिरिक्त आयुक्त जांभळे पाटील आणि घोडके यांनी महानगरपालिकेच्या उद्यानांना अचानक भेटी देऊन तेथील सुविधांचा आढावा घेतला. यावेळीस्पाईन रोड मध्य दुभाजक रस्त्यांवर नवीन शोभिवंत झाडे लावणे व पाण्याची व्यवस्था करण्याच्या सूचना संबंधित अधिका-यांना दिल्या.
