पिंपरी-चिंचवड महापालिकेच्या अनधिकृत बांधकाम व अतिक्रमण विभागाच्या वतीने अनधिकृत बांधकामे, पत्राशेडवर धडक कारवाई करण्यात येत आहे. शहराच्या विविध भागातील 48 पत्राशेड असे 29 हजार 780 चौरस फुट क्षेत्र इतकी अनधिकृत बांधकामे निष्कासित करण्यात आले. कारवाईचा धडका पाहून नागरिक स्वत:हून अनधिकृत पत्राशेड काढून घेतले जात आहेत.
‘ड’ क्षेत्रिय कार्यालय अंतर्गत वाकड येथील छत्रपती चौक ते मानकर चौक परिसर रोडलगत अनधिकृत बांधकाम कारवाई करणायत आली. या कारवाई मध्ये 7 पत्राशेड एकुण अंदाजे 6300 चौरस फुट अनधिकृत बांधकामे निष्कासित करण्यात आली. ‘फ’ क्षेत्रिय कार्यालय अंतर्गत प्रभाग क्र.11 कुदळवाडी पिंटू यादव चौक ते अमित इंजिनिअरिंग येथे अनधिकृत बांधकाम निष्कासित करण्यात आले. या कारवाई मध्ये 4 पत्राशेड असे 5500 चौरस फुट अनधिकृत बांधकाम पाडण्यात आले. ‘ब’ क्षेत्रिय कार्यालय अंतर्गत प्रभाग क्र. 22 एम.एम.चौक काळेवाडी मध्ये निष्कासित करण्यात आले. 4 पत्राशेड असे 6000 चौरस फुट अनधिकृत बांधकामे (PCMC) पाडण्यात आले.
