मुंबई- मुंबईतील दिंडोशी पोलिसांनी नागपाडा परिसरातून बनावट आयफोन विकणाऱ्या टोळीतील तिघांना अटक केली आहे.
या टोळीने मुंबईशिवाय नवी मुंबई, विजयवाडा (आंध्र प्रदेश) आणि बंगलोर शहर (कर्नाटक) येथेही असे गुन्हे केल्याची कबुली दिली आहे. अटक करण्यात आलेल्या टोळीकडून दिंडोशी पोलिसांनी 67 हजार रुपयांची मालमत्ता जप्त केली आहे. यामध्ये 47,000 रुपये रोख आणि दोन बनावट आयफोनचा समावेश आहे.
टोळीवर दिंडोशी पोलिस ठाण्यात दोन, वरळी आणि कुलाबा पोलिस ठाण्यात प्रत्येकी एक गुन्हे दाखल आहेत, अशी माहिती एपीआय चंद्रकांत घार्गे यांनी दिली आहे. 3 डिसेंबर 2022 रोजी रवींद्र विष्णू आहेर नावाच्या व्यक्तीला अटक करण्यात आलेल्या टोळीतील सदस्यांनी आधी मूळ आयफोन दाखवून नंतर बनावट आयफोन विकून 80 हजार रुपयांची फसवणूक केली.
