पिंपरी (प्रतिनिधी) वृद्ध महिलेचा खून झाल्याची घटना ६ जुलै रोजी रुपीनगर, तळवडे येथे घडली. या प्रकरणी पिंपरी-चिंचवड गुन्हे शाखेच्या युनिट एकने एका अल्पवयीन मुलाला ताब्यात घेतले आहे. त्याने अपमानाचा बदला घेण्यासाठी हा खून केल्याचे समोर आले आहे.
शोभा जगन्नाथ आमटे (वय ६८, रा. रुपीनगर, तळवडे. मूळ रा. बेरडवाडी, ता. पाटोदा, जि. बीड) असे खून झालेल्या महिलेचे नाव आहे. याप्रकरणी मुलगा पोपट जगन्नाथ आमटे ( वय ३८, रा. रुपीनगर, तळवडे) यांनी चिखली पोलीस ठाण्यात फिर्याद दिली आहे. पोलिसांनी पोपट यांच्या शेजारी राहणाऱ्या एका अल्पवयीन मुलाला ताब्यात घेतले. अल्पवयीन मुलगा पोपट यांच्या घरी आला होता. त्यावेळी पोपट यांच्या आई शोभा यांनी त्याला धक्काबुक्की व अपमान करून घराबाहेर काढले होते.. त्या अपमानाचा बदला घेण्यासाठी त्याने शोभा या घरात एकट्या असताना त्यांच्या डोक्यात लोखंडी बत्ता मारून त्यांचा खून केला.
पोलीस निरीक्षक संतोष पाटील, कर्मचारी शिवाजी कानडे, बाळासाहेब कोकाटे, महादेव जावळे, सोमनाथ बोऱ्हाडे, मनोजकुमार कमले, फारूक मुल्ला, अमित खानविलकर, गणेश महाडिक, सचिन मोरे, प्रमोद हिरळकर, उमाकांत सरवदे, अजित रूपनवर, प्रमोद गर्जे, मारोती जायभाये, स्वप्नील महाले, तानाजी पानसरे यांनी केलीi.
