पिंपरी (प्रतिनिधी) – राष्ट्रवादी काँग्रेसच्या (अजित पवार गट) शहर कार्याध्यक्षपदी माजी नगरसेवक मोरेश्वर भोंडवे यांची गुरूवारी (दि. २०) नियुक्ती करण्यात आली. उपमुख्यमंत्री अजित पवार आणि प्रदेशाध्यक्ष सुनील तटकरे यांनी भोंडवे यांना देण्यात आले.
यावेळी पिंपरी चिंचवड शहराचे शहराध्यक्ष अजित गव्हाणे, कार्याध्यक्ष श्याम लांडे, प्रशांत शितोळे, राहुल भोसले, फझल शेख, नगरसेवक मयूर कलाटे, भोसरी विधानसभेचे अध्यक्ष नगरसेवक पंकज भालेकर, अविनाश देवकाते यांच्यासह शहरातील राष्ट्रवादी काँग्रेसचे पदाधिकारी उपस्थित होते.
मोरेश्वर भोंडवे हे राष्ट्रवादीचे माजी नगरसेवक असून चिंचवड विधानसभा मतदारसंघात त्यांचे मोठे वलय आहे. येणाऱ्या महापालिका निवडणुका डोळ्यासमोर सक्षम आणि जनतेमध्ये स्थान असणाऱ्या नेत्यांना राष्ट्रवादीकडून भोंडवे कार्यकारणीमध्ये स्थान देण्यात आले आहे.
शहरात राष्ट्रवादी जोमाने वाढावी म्हणून मी कार्यरत राहणार आहे. उपमुख्यमंत्री अजित पवार यांच्या नेतृत्वाखाली विकासाचा रथ वेगाने वाटचाल करेल याची मला खात्री आहे. पक्षाने मला दिलेल्या संधीचे मी सोने करेन.
– मोरेश्वर भोंडवे, कार्याध्यक्ष, राष्ट्रवादी कॉंग्रेस
