पिंपरी (प्रतिनिधी) आयफोन खरेदी करून देतो असे सांगून पाच लाख रुपये घेत फसवणूक करण्यात आली. ही घटना २५ ऑगस्ट ते ३ ऑक्टोबर या कालावधीत पिंपरी येथे घडली.
जगदीश नथुराम आसवाणी (वय ४५, रा. पिंपरी) यांनी याप्रकरणी पिंपरी पोलीस ठाण्यात फिर्याद दिली आहे. त्यानुसार रेहमान अब्दुल जब्बर (रा. चेन्नई) याच्या विरोधात गुन्हा दाखल करण्यात आला आहे.
आरोपीने फिर्यादी यांना पाच आयफोन खरेदी करून देतो असे आमिष दाखवले. त्यासाठी फिर्यादीकडून पाच लाख रुपये घेतले. आरोपीने फिर्यादीच्या नावावर आयफोन खरेदी केले. मात्र ते त्यांना न पाठवता कुरिअरमध्ये गहाळ झाले असल्याचे कारण सांगितले. त्यानंतर दोन दिवसांत, चार दिवसांत देतो, रक्कम परत पाठवतो, नवीन मोबाइल घेऊन देतो अशी उडवाउडवीची उत्तरे देत फसवणूक केल्याचे फिर्यादीत म्हटले आहे
