मुंबई : रासपचे अध्यक्ष महादेव जानकर यांनी महाविकास आघाडीची साथ सोडत महायुतीबरोबत जाण्याचा निर्णय घेतला आहे. त्यांना महायुतीकडून एक जागा मिळणार आहे. महादेव जानकर हे महायुतीमध्ये आल्यानं ते बारामती लोकसभा मतदारसंघातून लढणार की परभणी लोकसभा मतदारसंघातून अशी चर्चा सुरू झाली होती. मात्र यासंदर्भात आता मोठी बातमी समोर येत आहे. सूत्रांकडून मिळालेल्या माहितीनुसार महादेव जानकर हे परभणी लोकसभा मतदारसंघातून निवडणूक लढवणार असल्याचं जवळपास निश्चित झालं आहे.
सूत्रांनी दिलेल्या माहितीनुसार महादेव जानकर हे परभणी लोकसभा मतदारसंघातून निवडणूक लढवणार असल्याचं जवळपास निश्चित झालं आहे. तर बारामती मतदारसंघातून सुनेत्रा पवार याच लोकसभा निवडणूक लढवणार आहेत. महादेव जानकर हे घड्याळ चिन्हावर लढणार की कमळ चिन्हावर निवडणूक लढणार याबाबत आज निर्णय होण्याची शक्यता आहे
