पिंपरी चिंचवड मधून अजितदादां सोबत असलेले 40 नेते राष्ट्रवादी काँग्रेस शरदचंद्र पवार पक्षामध्ये प्रवेश करणार असल्याचा समोर आला आहे. त्यासाठी 20 जुलै ची तारीख निश्चित करण्यात आली आहे. अजित पवार गटासाठी हा मोठा धक्का मानला जात आहे. विधानसभा निवडणुकीपूर्वी होणाऱ्या या पक्षप्रवेशामुळे शरद पवार गटाची ताकद वाढणार आहे.
काही दिवसांपूर्वी पिंपरी चिंचवड मधून मोठ्या संख्येने माजी नगरसेवकांनी शरद पवार यांची भेट घेतल्याची पाहायला मिळाली होती. नंतर पिंपरी चिंचवड मधून मोठ्या प्रमाणात राष्ट्रवादी काँग्रेस अजित पवार गटाला खिंडार पडणार हे जवळपास निश्चित झालं होतं. पिंपरी चिंचवड हा उपमुख्यमंत्री अजित पवार यांचा बालेकिल्ला मानला जातो. शरद पवार यांची भेट घेऊन अनेक नेतेमंडळी पक्षात प्रवेश करण्याची इच्छा व्यक्त करत आहेत. रोज किमान दोन तास शरद पवार यांना पक्ष प्रवेश करणाऱ्या नेत्यांच्या भेटीगाठीसाठी काढावं लागत असल्याचं खुद्द शरद पवार यांनी सांगितला आहे.
विधानसभा निवडणुकीच्या तोंडावर होत असलेल्या या पक्षप्रवेशाच्या निमित्ताने मोठ्या प्रमाणात शक्ती प्रदर्शन देखील करण्यात येणार आहे. 20 जुलैच्या या सभेसाठी जय्यत तयारी करण्यात आली असून पण 20 हजार कार्यकर्ते आणि अधिकाऱ्यांच्या उपस्थितीत ही सभा होणार असल्याचं पक्षाकडून सांगण्यात आला आहे. लोकसभा निवडणुकीत शरद पवार यांच्या पक्षाला मिळालेल्या यशानंतर त्यांच्याकडे जाणाऱ्या पदाधिकारी, कार्यकर्त्यांची संख्या वाढत असल्याने त्याचा फटका विधानसभेच्या निवडणुकीत अजित पवारांच्या राष्ट्रवादी काँग्रेलला बसण्याची शक्यता व्यक्त केली जात आहे.
